دوله الصعيد المجاورة

أكتشفت أننا وحقيقا لا ننتمى لدوله واحدة وهذا ما تأكدت منه بالفعل
فنحن هنا كـ مواطنين نحمل الجنسيه الصعيديه
وعليه فنحن لسنا من التابعيه المصريه ولكنا جيران لهذة الدوله الشقيقه
قوانينها لا تطبق علينا و لا نتمتع بمميزات المواطنه بها
كما ان الخدمات المشتركه والتى تعبر الحدود بين الجارتين رديئه للغايه
ونهايه فنحن لا نستخدم عمله واحدة

وبما أن مقومات الدوله هى علم وعمله وحدود
.
وبما أننا لا نعترف بالعملات الصادرة من الدوله
وهى الفضيه من فئه جنيه وخمسون قرش
ولا العملات الورقيه ذات الفئات الصغيرة
ولا نتعامل بها أطلاقا فى حين انه يتم التعامل بها فى مصر

وبتعريف الحدود المصريه
***********************

والممتدة من الغردقه وشرم الشيخ شرقا وحتى مارينا وسيدى عبد الرحمن غربا
ومن الاسكندريه بلازا وبرج العرب شمالا
وحتى اخر خط المترو بضواحى الجيزة جنوبا
فنحن خارج حدود نطاق تلك الدوله الجارة والتى حتى لا تراعى معنا حقوق الجيرة

فالمواصلات شبه مقطوعه بين الدولتين لو أردت أستخدم وسيله مواصلات أمنه
كالقطارات مثلا فحين تذهب لمحطه مصر وتطلب قطع تذكرة ذهابا أياب
كأى سائح محترم فأن الموظف المختص سيخبرك بأنه يستطيع ان يقطع لك التذكرة ذهابا فقط
لا أيابا وكأنها رحله بلا عودة ... فأذا أردت الرجوع يمكنك قطع التذكرة من الجهه الاخرى من الحدود
أو يمكنك اللجوء الى الهجرة غير الشرعيه
و عبور الحدود عبر وسائل غير مأمونه فى السفر
كالأتوبيسات الغارقه أو الميكروباصات ذات السرعه الجنونيه

وعليه فمن الممكن أن نطالب مثلا بأنشاء سفارة بين الدولتين
لرعايا مصالح مواطنيها أقتداء بكل دول العالم
وكذلك أنشاء فرع لشركه مصر للطيران دولى الصعيد
فقد نتمكن وقتها من قطع تذاكر سفره ما ذهابا أيابا

بالنسبه للقوانين
******************

فأن كل جمهوريه مصر العربيه تطبق الاجازة يومى الاسبوع الجمعه والسبت
فى حين أنها لا تطبق فى أى من محافظات الصعيد سوى أجازة الجمعه فقط
بل وبعض المحافظات طبقت فى بعض مدرياتها الخميس كأجازة ايضا
فى حين ان مدريه الازهر تطبق الجمعه والسبت

باقى القوانين مثل القبض على مرتكب جريمه مثلا
لا يطبق على الاطلاق ... فنحن نتعامل بقانون
لو قفشوك ... وعليه فلا مرتكب جريمه قتل او مجزرة ما يقبض عليه
بل يتم ألاستسهال والقبض على أول مجنون ماشى فى الشارع

وألاسلحه غير المرخصه يتم مصادرتها فقط بالطلب
حين يجد الضابط المسؤل انه مطالب بتسليم عدد معين من القضايا

ولازلنا حتى الان نتعامل بأنبوبه البوتجاز المحرمه دوليا
والتى يصل سعرها شتاء الى ما يفوق 25 جنيه وأذا وجدت

فنحن نطالب مساواتنا بجيران مصر من الحدود الشماليه أسرائيل
عملا بمبدأ حسن الجوار وأسوة بمعامله الجيران الشماليين
والتى تدعم لهم الحكومه الغاز
فلا نطالب لا سمح الله أدخال الغاز الطبيعى الى محافظاتنا ومدننا او مراكزنا
فقد نطلب الحد الأدنى من المساواة وهو توفير الغاز

مفضلش غير العلم
**********************

وهذا والحق يقال لا يحترم فى أى من الدولتين الجارتين

مصر والصعيد

النظريه الداجنه

.

شريف بيه صاحب مدونه شريف والصديق الراقى

http://cherry0000.blogspot.com/

كاتب بوست بيطرح موضوع شيق

هو جديد ومش جديد

لأنه بيتكلم عن نوعيه علاقه ممكن تتوفر لنوعيه معينه من البشر

لكن تطبيقها صعب جدا

هو بيتكلم عن أن أى اتنين مرتبطين ببعض بعد فترة لما بيدخل بينهم الملل

ممكن وبدل الدخول فى علاقه غير صحيه أو تؤدى الى تورط عاطفى مع فرد

.

غير الشريك ممكن يحيطو أنفسهم بشبكه من الاصدقاء

ودلل على هذا بفكرة أن الراجل ممكن بطبعه يقدر يتواصل مع أكتر من واحدة

ويكون لها مكان بقلبه لا يؤثر على قوة علاقته بالشريك ألاصلى

وشبه الأمر بفكرة الديك يعرف 50 فرخه

وأنه زى ما الراجل يقدر يصادق اكتر من واحدة على أرضيه صداقه فقط

فكمان الواحدة تقدر تصادق أكتر من شخص على نفس الارضيه

لكنه برضه بيقول ان نظريته او فكرته لما تصلح على أرض الواقع

لأنه وجد أن اى ست صعب عليها تتقبل فكرة الصداقه

.

لأن الست بطبيعتها عاطفيه وحتى الصداقه بعد فترة

.

بتقلب معاها بتعلق عاطفى ما بيوصل فى الاخر لغرام

.

ولأنها زى الفريك مبتحبش شريك

يعنى الموضوع كدة قلب لشئ أشبه ما يكون بصراع بين الفراخ والحمام

لكنه نسى شئ فى غايه الأهميه

وهو انه وحتى لو قدرنا نطبق فكرته دى وان الاتنين او طرفى العلاقه

يحيطو أنفسهم بشبكه واسعه من الاصدقاء

فالطبيعى انه يحصل ميل لطرف ما الى طرف أخر

لأن وحتى فى الصداقه صعب معرفه بدايه المشاعر من نهايتها

صعب معرفه متى تتطور العلاقه من مجرد صداقه الى أعجاب

الى تفضيل الى أرتياح الى قرب عاطفى حتى تصل فى النهايه الى حب

.

حتى لو قلب الراجل مختلف ويقدر يتقبل اكتر من طرف او شريك

الأ أنه وفى الاخر هيميل لواحدة معينه
.
ألاحتياج العاطفى بيقول كدة

قوانين البشر بتقول كدة

مش شرط لو حب تانى الحب التانى دة يأثر او يقلل من حبه للشريك الأصلى

لكنها بتصبح شريكه لها فى ما أعتبرته حق مقدس ليها وهو ملكيتها التامه لشريكها

وأذا طبقنا نفس ا لكلام على الست يبقى كدة بنتكلم فى كارثه

لأن لو الست أرتبطت بنوع من الصداقه مع حد غير الشريك الاصلى

وهو بيكون الزوج فى الحاله دى

مع الوقت او بمرورة شعرت بميل عاطفى لطرف تانى

مظنش ان الراجل ممكن يتقبل بسهوله انها والله حبت غيرة لكن دة مأثرش على حبها ليه

.

يا باشمهندس نوعيه العلاقات فى مجتمعاتنا عموما لا تعترف بصداقه متفتحه

على الطراز الغربى

ولأن احنا عموما شعوب عاطفيه بتميل للحب أو تبحث عنه فى أى علاقه

وحتى الراجل اللى عامل دون جوان ولا يقع بالحب فى سهوله

مسيرة يجيى عليه وقت ويتعلق عاطفيا ويحب فعلا

صعب جدا على الست انها تقبل شريك فى راجلها حتى ولو من باب الصداقه

صعب عليها انه يعرف غيرها او يصادق غيرها لأن مع الوقت هى

وبغريزتها الفطريه

عارفه ان الضعف البشرى ورغبه الراجل فى الحب هتخليه يميل لغيرها

زى ما هو بالظبط صعب على أى راجل انه يحس ان الست بتاعته او شريكته

.

او أى كان المسمى بتميل عاطفيا لغيرة ولو حتى من باب الصداقه بس

لأنه برضه غريزيا بيحس أو بيستشعر الضعف الانسانى

واللى هو موجود فينا خلقيا ... أتخلقنا بيه

مينفعش نحط نار جنب بنزين وبعدين نسئل مندهشين هى ولعت ليه

وزمان قالو الباب اللى يجيى منه الريح سدة واستريح

.

طبعا دة كلام كتير جدا مكنش ينفع احطه فى باب التعليقات

ولأنى شخصيا ومع أعترافى بالصداقه بين البشر ومن الجنسين

ألا انى ضد نظريه الديك والخمسين فرخه او الفرخه والخمسين ديك

لأن احنا كبشر فطريا كل طرف فينا بيميل عاطفيا للأقرب له

وبيتكون رابط عاطفى حتى لو لم نعترف بيه

ممكن نصادق ... أة

لكن كمخلوقات ....... نحن الى الحمام فعلا أقرب

نفضل الشريك الواحد ولا نميل الى غيرة بدافع الملل

او من الافضل ان نكون صرحاء ونعترف بأنه أحتياج عاطفى

وفى هذة الحاله لا يصلح ان نطلق على تلك العلاقه صداقه

ومنا هنا أتحفظ على النظريه الداجنه كمدخل للصداقه

.

الحلم

وقفت مابين يدي مفسر الأحلام

قلت له : " يا سيدي رأيت في المنام

أني أعيش كالبشر

وأن من حولي بشر

وأن صوتي بفمي، وفي يدي الطعام

وأنني أمشي ولا يتبع من خلفي أثر

فصاح بي مرتعدا : " يا ولدي حرام

لقد هزئت بالقدر

يا ولدي ، نم عندما تنام

وقبل أن أتركه تسللت من أذني أصابع النظام

واهتز رأسي وانفجر

.

شعر احمد مطر

.

فرق تعلّ

انا واحدة ولا ليها فى الكورة

ولا بحبها أصلا

ولا بشجع أى فريق مصرى على الاطلاق

غصب عليا ابويا اقعد اتفرج على ماتش الزمالك والاتحاد السكندرى معاة عشان ميقعدش يتفرج لوحدة وفى نفس الوقت يعمل عليا محلل رياضى خطير

هى ربع ساعه ومطقتش

حاجه تخلى الحجر ينطق

هى الناس دى مش بينصرف عليها فلوس ؟

مش بيقبضو على قلبهم قد كدة ؟

مش بيطفحو بيها !!! أمال مش بيعملو بيها لييييه

ولازمته ايه طيب نادى وفريق أدارى وفريق طبى ومدرب أجنبى ومدرب وطنى ومدرب بين البنين ودولارات يكبوها فى جيوب الخواجات

دة حتى خسارة فيهم أجرة الاضواء الكاشفه بتاعه ألاستاد

أشوف فيك يوم يا مرتضى يا منصور انت وكل اللى مسكو النادى دة من عشرين سنه لحد دلوقتى

دعوة وليه ساعه مغربيه

حرام نادى زى دة بتاريخ وأمكانيات ملهاش حساب بس فالحين دايرين فى المحاكم يرفعو قضايا على بعض ومجلس اداراة ....... طب بيديرو أيه

هو بقى فيه نادى أصلا

لما هما مش نافعين .... ما يسرحوهم يلمو الدودة وأهو أكسب ويبقى ليهم لازمه

او حتى يوزعوهم يلمو أيجارات المحلات على سور نادى الزمالك

واهو على الاقل يجيبو دخل بدل القرف اللى بيهببوة دة

.

نأسف بشدة

لهذا الغياب الطارئ والطويل

نتيجه عطل فنى ناتج عن كونى مواطنه صعيديه

يجب ان تتحمل ما على المواطن من حقوق ولا تتمتع بأى مما له من واجبات

وعليه فأن الانترنت فصل من الشركه وراسها وألف سيف

ما تشغله تانى ولازم اللجوء لشركه غيرها لتشغيل الخدمه

ودة أجراء أستلزم شهر ونص لأنهم تقريبا كانو بيصنعو ليا شركه لوحدى

وطبعا لو انا فى القاهرة الكبرى كان اشتغل على طول

بس لأننا صعايدة فأحمد الله انه اشتغل بعد شهر ونص بس

ومقلوليش انى لازم استنى لما مصر تغزو الفضاء عشان يمدولى خط نت

يعمل بالاقمار الصناعيه مصريه الصنع

يالا الحمد لله على كل حال

شكراااا جدا لكل اللى سئلو عنى وتقريبا مبقاش وراهم غير الحكايه دى دلوقتى

نظرا لوجودى أسبوع وطفشانى شهر

بس والله المرة دى كمان مش بسببى

أجمل التهانى وأرق الأهدائات لأقرب وأعز الاصدقاء

شريف بيه ومصطفى ريان على صدور كتابيهما

شريف بيه أصدر (لست ألا بعض الأوراق) وهى تجميع لبعض التدوينات

من مدونته مع مجموعه من التعليقات المنتقاة
.
ومصطفى كتابه (اعترافات رئيس سابق) قصص قصيرة تميل للادب الساخر
.
وبعضها يحتوي على الخط الأجتماعي والرومانسي
.
صديقى الجميلين ألف مبروك ودوام الأبداع الذى لا ينقطع
.
.