الخميس، 4 يونيو 2009

فى بلدنا عريس


عرف عن شعب مصر عموما يعنى

انه مش بيهتم بــ أعمال النظافه الشامله والصيانه التامه

فى البيوت الا لما يكون جاى عريس

وبما ان مصر أماله تغسل وتكنس وتمسح وهاتك يا نضافه الله ينور

وبيدهنو حتى وش البيوت

عشان المحروس اوباما

يبقى نفهم من كدة انه عريس

ممكن بس حد يقولى هو أوباما جاى
.
يخطب مين هنا ؟

هناك 31 تعليقًا:

وحي القلم يقول...

السلام عليكم

أول تعليق

اوباما غير مرحب به في مصر وأنا باقول مش عاوزين زيارتك دي تتكرر

بالرغم ان كلامه حلو بس ياريت يتنفذ

تقبلي مروري

وكل سنة وانت طيبة

حاول تفتكرنى يقول...

كان نفسى اشوف الاقهرة بثب العروس

ياريت اوباما يشرفنا كل يوم ، ونسرق الكاميرا من شرم الشيخ

تحياتي

إيناس حليم يقول...

:D جاي يخطبني
ههههههه
هو شيء مستفز فعلا لدرجة تضحك
الحمد لله انه مش جاي اسكندرية أصل معظم الاسكندرانيين شايلين المرارة :)

صفــــاء يقول...

مصعب صلاح
*********
بس يا بنى متقولش الكلام دة
دة اوباما دة أجدع ناس
وحياة رحمه ابوة حسين الكبير
ان احنا اللى ناس نيتنا وحشه
نصبرررر قد خمسين ستين سنه نشوفه هينفذ كلامه دة وبعدين نبقى نشك

وانت طيب يا مصعب كمان مرة

صفــــاء يقول...

حاول تفتكرنى
*************
يعنى احنا بنغسل ونمسح بس عشان هو جاى يشوف القاهرة ؟
امال لو كان جاى يتجوزها كنا عملنا ايييه

صفــــاء يقول...

إيناس حليم
***********
وحياتك يا اختى انا ماعندى اى مشاكل مع البيه اوباما ولا بتكلم فى السياسه خالص
انا بتكلم على عوايدنا احنا فى استقبال العرسان
ومدام جاى يخطبك يبقى اهو كله خير
بس استنى شويه يمكن يجيى واحد افتح من كدة
واحنا كمان نقول الحمد لله انه مش جاى الصعيد والا كنا فطسنا كلنا من الحبسه فى البيوت فى الحر دة

Kiara يقول...

يخطب اللي اتزوقتله :(

د. ياسر عمر عبد الفتاح يقول...

مش عارف
ربنا يتممله علي خير
بس أكيد هيساله عليه الأول

هوه الجواز لعبه؟

غير معرف يقول...

اه مشى العريس.....تفتكرى العروسه عجبته؟
شكل العريس هو اللي ما عجبش

!!! عارفة ... مش عارف ليه يقول...

أوباما

جاي يخطب ودنا


تحياتي
وليد

Unknown يقول...

انا رأيي ان بلاش السؤال دة عشان الرقابة

فارس عبدالفتاح يقول...

طبعاً جاي يخطب النظام من جديد في شخص حسني مبارك وابنه ولي العهد الامين حفظهما الله ورعاهما

ولما سأل عن حسني مبارك قال انه خبرة طويلة في المنطقة وهو يشكل عامل استقرار للمنطقة

طبعاً عامل الاستقرار الذي يقصدة العريس او اوباما هو هو تنفيذ المصالح الاميركية والاسرئيلة والمحافظة على في مصر والمنطقة العربية والاسلامية ككل

ومعادات ايران وحماس وحزب الله وسوريا وكل من يرفع شعار المقاومة في وجه امريكا في اي منطقة في العالم

فارس عبدالفتاح .. قومي عربي

صفــــاء يقول...

كيارا
******
وتفتكرى هو دخل مزاج المتذوقه دى ؟

صفــــاء يقول...

د. ياسر عبد الفتاح
********************
ما انت عارف النظام عندنا
كل عريس يجيى من الناحيه اللى هناك دى نترمى فحضنه على طووول من غير سؤال

صفــــاء يقول...

فتاة من الصعيد
***************
هو جه يضحك على العروسه
بس العروسه وأصحابها منضحكش عليهم
بس أولياء امرها هما اللى كانو عبايط وصدقوة

Kiara يقول...

لا طبعا

صفــــاء يقول...

عارفه ... مش عارف ليه
**********************
ودنا مرضيش يتخطب له
حكم المهر اللى قدمه كان أتقدم قبل كدة بتاع الف مرة لحد ما بقى حمضان

صفــــاء يقول...

enjy
*****
أنت اللى فهمت القصد يا جميل
تسلم

صفــــاء يقول...

فارس عبد الفتاح
****************
المهر اللى قدمه هو نفس المهر اللى قدمه اللى قبل منه واللى قبل قبله
بس غير ترتيب الحروف
والسم هو هو نفس السم
مش مهم ان دة طعمه حلو
والجوازة كدة تبقى باطله
لأن مينفعش يخطب النظام ولا حكامه
دة كدة يبقى شذوذ
مدام مدخلش دماغ البلد
وحلال عليهم جوازتهم

صفــــاء يقول...

كيارا
******
جبتى المفيد
ذوقو العروسه عشان تعجب
العروسه هى اللى معجبهاش
وكمان مدخلش دماغها اصلا

أحــوال الهـوي يقول...

انا فايت باسلم بس

r يقول...

بدايه بعتذر يا صافى على التأخير
قريت البوست اللى فات دلوقتى
فكل سنه وانتى طيبه وعبقال 100 سنه
يا صعيديه يا جميله

وبالنسبه للعريس
خلاص الفرح انفض
والظاهر ان العروسه هربت

صفــــاء يقول...

احوال الهوى
************
سلامك وصل يا كبير
تعيييش

صفــــاء يقول...

بسنت
******
أرق واحلى دكتورة فى محافظه شمال الصعيد
ربنا يخليكى يا قمرة
وانت طيبه
كلك ذوق يا جميل

وبعدين العروسه مهربتش
هو اصلا جواز عتريس من فؤادة بااااطل

فشكووول يقول...

يا صفاء يا حلوه انت بتوحشينى خالص
دهنا جميع البيوت التى يمر بها العريس باللون الابيض وصرفنا على الموضوع دا ييجى 100 مليون جنيه ويا ترى ايه اللى حينوبنا منه .. الله اعلم
تحياتى

mostafa rayan يقول...
أزال المؤلف هذا التعليق.
mostafa rayan يقول...

ايه اغيب شوية وارجع الاقى كل دة احتفالية عيد ميلاد ومشروع للسرقة والانحراف وكلام عن اوباما
انت يا بنت انت ازاي تعملى كل دة من غير ماتقوليلى
اولا : الف مليون مبروك بمناسبة عيد ميلادك كل سنة وانت طيبة وبخير
ثانيا : ليه تنحرفى بصعوبة مادام ممكن تنحرفي بطريقة اسهل
بصي يا نجمة انت ظبطى الجيبة اللى ناقصة 30سم دى وظبطى بردو حبة حاجات من فوق
تروحى على مكتب هندسي ظبطي ماكيت لمدينة سكنية هوب على البنك قرض بضمان المشروع واعلانات فى التلفزيون هوب تاخدى المقدمات وفي الخليع وبنفس الطقم دة كام اعلان فى التلفزيون وكام سؤال تافه واتصل ب0900وخد على قفاك قصدي فوز ب 10000جنيه وهوب على بره
بس طبعا انا شريك بالنص فى كل دة بلا كتابة بلا ادب بلا وجع قلب مش جايب همه
-- بالنسيبة لاوباما فهو مش جاي يخطب جاي يغنى علينا واحنا صقفنا خلاص

micheal يقول...

هههههههههههههه..ايه توارد الخواطر ده يا صفاء...أما عندي البوست الاتخير بعنوان عرييس يا بوووي..ورازع فيه أوباما أغنية حتعجبك بإذن الله
:)
حقول ايه نفاق ثم نفاق ثم نفاق
يا ريت أوباما يجي كل يوم لو البلد حتنضف بالشكل ده والشوارع تبقي فاضية
:))
تحياتي

صفــــاء يقول...

فشكول
******
وانت كمان ليك وحشه كبيييرة يا عم صلاح
وان شاء الله يكون محمود خلص امتحانات وترجع تفشكل لينا تانى

صرفنا كتير اة والله يا عمنا والعريس وهو جاى مجابش فى أيدة حتى علبه جاتوة
شوفت النتانه ؟

صفــــاء يقول...

مصطفى ريان
************
غيابك له عذرة يا درش وله كل التقدير عشان مشروع حياتك اللى بتحققه حاليا
ربنا يوفقك فيه ويمشى على خير

أولاً : وانت طيب يا مصطفى ربنا يخليك ليا
ثانيا : ماهو انا كنت عارفه طريق الانحراف بس مستحرمه
لكن لقيت ان كله بينحرف وبعدين يتكلم عن ربنا وعن التوفيق اللى من عند الله
فقررت انحرف وبعدين ابقى اعمل زيهم واتوب بعدين

اوباما لازم يكون جاى يخطب
أمال النضافه دى كلها ليه ؟
مش كنسنا وغسلنا ومسحنا ؟
يبقى أكيد العريس جاى

منورنى دايما يا صديقى واخى العزيز وربنا يكرمك دايما

صفــــاء يقول...

micheal
********
البوست بتاعك روعه طبعا

بس حتى النفاق له أصول يا سيدى ميبقاش كدة
وكل الفلوس وكل الحبسه والزنقه دى
عشان واحد رايح يتفرج على ابو الهول
كان قالى وانا كنت بعته له بنص تمنه
وبعدين هى النضافه يعنى حرام علينا حلال على الاغراب؟