السبت، 17 أكتوبر 2009

نصر ... رغماً عن الجميع


لو أنكر أحدهم الهولوكوست لتمت مطاردته فى أقطار الارض

لو عاب احدهم فى شخص من أفراد المقاومه الفرنسيه

او حتى نطق أسمه بطريقه غير مهذبه

طرد من فرنسا فوراً

كل دول العالم تقدس أبطالها وتمجد معاركها وأنتصارتها ولو ضئيله

حزب الله يباهى ويفاخر بمقاومته ومنعه دخول الاسرائيلى كيلو متر واحد من أراضيه

ونحن ... من فقدنا الألاف من أبناء وطننا

أستشهدو وخُضّبت الارض بدماهم

ماتو دفاعا عن وطن وطرداً لمحتل

قاتلو وسقطو كى لا تصبح سيناء أرض ميعاد لغيرنا

ولا تصبح قناة السويس حدود اً لعدو

حتى لا تصبح القاهرة أحدى العواصم العربيه الساقطه

يتم السخريه منهم ومنا فى عقر دارنا

ان لم يكن من عربى كاره وجاهل

جلّ انتصاراته الصيد بـ الصقور

فهى من انجليزى حاقد

(ديفيد أوين وزير خارجيه انجلترا الأسبق )

يتمتع بقدر من الحقارة والبرود والبغض

كى يقف على أرضنا يسفّه من شهدائنا

ويحقّر من قدر نصر أعزّنا

لـ يقول اننا هزمنا فى اكتوبر أسوء هزيمه

وأن جيشنا انكسر

وأن الاسرائيلى دمر قواتنا

وهل هذا الانتصار الاسرائيلى الساحق علينا هو سبب خروجه ؟

لأنه سحق جيشنا فقد اكتفى بهذا وأنسحب ؟

هل لأنه يعشق المصريين ولا يتحمل غضبهم وحزنهم تنازل عن انتصاراته

وترك الأرض التى يراها مقدسه لأن سواد عيوننا لديه أغلى ؟

وما رد الفعل المتخذ ؟

مجرد دفاع من الصحافيين حاضرى الندوة

وبعض مقالات فى الصحف

أين الرد الرسمى من دوله حقّر أعظم وأشرف أنجازاتها وتضحياتها

كيف لم يحاسب

ولم يطرد شر طردة من الأرض التىى سبّها وأهان أشرف أبنائها

كيف لم يتم وضع أسمه فى قائمه سوداء لغير المرغوب فى وجودهم

من قام بدعوته أصلا وتنظيم تلك الندوة له

وهل كان جاهلا حقاً بما سوف يسكبه فمه من قذارات علينا

أفهم ان الاشخاص يختلفون سياسياً

ويمتلك كل منهم وجه نظر مختلفه عن الاخر

وقد حتى تكرة شخص ولا ترى له انجاز

ربما كان الأستاذ هيكل كارهاً للرئيس السادات او محباً له

ربما يكون راضياً عن تصرفاته وحكمه او رافضاً لهما

لكن لا يصل الأمر برفض انجاز دوله بكاملها ضحت بأولادها

بدماهم وبعض أجسادهم

ليستضيف من يعرف مسبقاً ما سيقول ومدى سفاهته

مشاعرنا الشخصيه لا يجب أبداً ان تكون داعياً لأهانتنا وطن

حتى لو رفضناة ... وكرهنا أوضاعه

يجب على الأقل ان نحترم ما قدمه لنا

ونقدر من فقدو حياتهم كى نحيا نحن

ولا كرامه لحكام دوله لم يدافعو عن شرف أهلها


هناك 27 تعليقًا:

غير معرف يقول...

ماهو البلد اصبحت لكل من هب ودب

اشخاص يأتون يسفهوا الدين .... واخرون يسفهوا التاريخ

اذا لم يهتم الاعلام فلن يهتم احد

لانهم ناس تخاف ماتختشيش.... ده اذا خافوا اصلا


تحياتي

هدى التوابتي يقول...

السلام عليكم..
مقالتك بصراحة رائعة وفي الصميم ولكن أعذريني نحن في بلد أعتادت على الإهانات حكامها باعوا كل مافيها وزير ثقافتها سافر ليحضر إحتفال بمناسبة ذكرى دخول نابليون بونابرت إلى مصر،فهل ستهتز أقلام أو تتحرك حكومة كاملة لهذ لا ياعزيزتي فقد أعتادوا على الإهانة وأصبحو مرحبين بها في أي وقت وحسبنا الله ونعم الوكيل

غير معرف يقول...

سيدتى .. هونى على نفسك .. فبدلا من أن تستمعى او تهتمى بالسيد أوين - وهو بالمناسبة احد الشخصيات التى لم ولن يذكرها التاريخ مثل انور السادات مثلا - انصحك بالقراءة لجاك او بالانس .. وهو مؤرخ عسكرى انجليزى أيضا .. لكنه منصف ..حتى لانضع كل الانجليز فى سلة واحدة .. ولعله هو الاجدر بهذه النصيحة وصاحبه شاهد من اهلها

هذا الجاك او بالانس .. نصف مصر وجيشها فى حرب 67 .. وهى الحرب التى لم يقص علينا مؤرخ مصرى ماذا حدث فيها لتعرفى صلابة وعظمة المصريين

لا تغضبى كثيرا من مثل هذا الكلام .. لأن التاريخ من الصعب محوه بندوة .. او مقال .. او كلمتين هنا او هنا

كما ان هناك من يقول كلمة بقرشين .. فلديهم من يقولون أيضا ببضعة دولارات

تحياتى لواحد من اجمل المقالات

إيناس حليم يقول...

معاكي كل الحق يا صفاء
بس فعلا المشكلة فينا احنا او في العرب عموما اهانتنا رخيصة..وسبنا عادي.
بالنسبة للضيف التقيل الاستاذ "اوين"
واحد غبي وسفيه بس فعلا في حالته مينفعش الصمت..

بوست جامد جدا
تحياتي

مواطن مصري يقول...

أتفق معاكي المفروض نحاكم كل من ينكر انتصار اكتوبر العظيم او يشوه صورة هذا الانتصار او يقلل من شأن الانتصار

حاول تفتكرنى يقول...

الأمر ببساطة اننا اعتدنا تحقير لعضنا البعض ، ولم نحترم انفسنا فلم يحترمنا الآخرون

لا احد يعنيه تاريخ هذا البلد ولا مستقبله ، كل واحد من سادتنا ، يدرك أنه موجود لفترة ما ، ويجب أن يستغل هذه الفترة احسن استغلال ، فقد اقسم على هذا حين حلف اليمين


تحياتي

همس الاحباب يقول...

متفق معكى قلبا وقالبا
ولكن تاريخ امة لا يمحوه كلمة خبيثة من شخص خبيث
المهم ان يكون عندنا نحن الاحساس بتلك العظمة والتضحية لشهدائنا الابرار
تحياتى

أبــــو ضـــيــاء يقول...

ولا يهزك , المهم انك تقدر توصل فكرك لغيرك

mohamed ghalia يقول...

نعم هو نصر رغم أنف الجميع

أحــوال الهـوي يقول...

نحن في زمن فاسد يدعون الديموقراطيه و هم لا يعرفونها و لهذا يخشون ان يوصموا بانهم ليسوا من انصار الديموقراطيه
و من يخشي شيئا يسمح لديدان الارض ان تنهش فيه و هو حي خوفا من ان يدعي البعض انه يخشي الديدان

انتصرنا و سحقنا امريكا و اسرائيل و بسبب هذا الموقف سقط الاستاذ من نظري لانه اصبح يتكلم بالسخافات بعد ان كان الخبرة و الحنكه
لقد سقط الاستاذ منذ ان اعيدت برمجته لقناة الجزيرة التي لا تري في مصر الا الادران و السقطات

لا نملك الا فحتر الانتصار و يا ليت القوم يعقلون ان المساس بالنصر كالمساس بالمقدسات و قد هانت المقدسات

تحياتي

mostafa rayan يقول...

اتفق معك خاصه فى الفقره الاخيره ولذلك نحن فقدنا كرامتنا لدى الدول الشقيقه قبل الصديقه
كالعاده احيكي يا غاليتي الجميله

صفــــاء يقول...

فتاة من الصعيد
***************
ممكن نتناقش فى أى شئ ونتجادل ونختلف حوله
لكن على الاقل نخلى فيه أشياء مقدسه .. نحفظ لسانا فيها ولا نجرؤ على التشكيك بها
لأن مبقاش فاضل لنا غيرها
احلى سلام لك يا قمر المنيا


-----------------------
dody
*****
وعليكم السلام
أشكرك على الاطراء
لكن معلش يعنى الحاجه الوحيدة اللى خلتهم قاعدين على كراسى وعاملين حكام وأصحاب ثروات هى المعركه دى
الشئ اللى خلاهم بهوات وعايشين فى قصور بدل مكانهم الطبيعى وهو فى خنادق وجحور تحت الارض
يعنى المفروض اقل شئ يقدموة انهم يكرمو الفرخه اللى باضت لهم دهب
شرفتنى الزيارة وأسعدنى التعليق

صفــــاء يقول...

شريف
******
ليس من المفروض ان نصمت او نبتلع الاهانه لمجرد ان قائلها سفيه او لا قيمه تاريخيه له
اليهود يقيمون الدنيا ولا يقعدوها ان نطق طفل بكلمه اثناء لهوة أستشعرو منها معاداة الساميه او انكار الهولوكوست او غيرها من اساطيرهم التى لا تنتهى
والغضب ليس لقيمه القائل
بل لقيمه المهان
حديثى عن الوزير المهرج لا ينبع عن كراهيه للانجليز او عقد استعماريه قديمه
انا حتى مشوفتش انجليزى واحد فى حياتى
لكن أن نبدأ بالحفاظ على مقدساتنا الوطنيه فلم يبقى لنا ما نحافظ عليه
المؤرخ صعب الحصول على كتابه لكن هحاول ... ويارب يكون بالعربى
احنا تربيه مدارس حكومى والعنجاليزى حدانا فلاحى خاااالص
نورت الدوار يا عمدة وشكرا على الاطراء الرااائع دة

----------------------

إيناس حليم
***********
ربنا يخليك يا قمر
كل اللى عاوزة اقوله أننا مينفعش نتقبل اى كلام لمجرد ان ناطقه سفيه او لا وزن له
لازم نحافظ على مقدار ثابت من الالتزام والحفاظ على أشياء محددة
لأنها ورقه التوت الاخيرة
نورك ملى المدونه

صفــــاء يقول...

مواطن مصرى
***********
أشكرك على تقديرك لكلماتى
وسعيدة بالتضامن
شرفتنى جداا

------------------

حاول تفتكرنى
*************
هناك قدر أدنى من الحياء
أن فقدوة فقد فقدو ماء وجوههم
ان لم يهتمو ولم تشغلهم هذة الخسارة وأستصغرو قيمتها
فهذا شانهم .. وتلك قيمتهم الحقيرة
وكفايه عليهم انهم حلبو بقرة حاحا للنهايه

تحياتى لك

صفــــاء يقول...

همس الاحباب
************
لا هو ولا كل بلدة يقدرو يمحو قيمه وتاريخ امه
ولا كل العالم يستطيع
كلامى ليس عن خوف
بل هو عن رفض للأهانه
نورتنى يا برنس

------------------

أبو ضياء
**********
اة وماله برضه .. شرفتنى جدا
-----------------

محمد غاليه
************
وهذا ما قلته .. نورتنى يا محمد

صفــــاء يقول...

احوال الهوى
************
تعيش يا باشا
اهو انت كدة اختصرت كل اللى انا اماله اعيد وازيد فيه فى البوست الطويل العريض دة

بالنسبه للأستاذ هيكل
وله كل الاحترام والتقدير
لكن خلافه مع الرئيس السادات لا يجب ابدا ان يجرة للعيب فى حق دوله وشعب لم يبقى لهم الا دماهم وحتى تلك جادو بها دون ادنى تردد
بعض الاحترام لنا
رجاءً بعض الاحترام

------------------

مصطفى ريان
***********
كرامتنا فقدناها ثمناً للقمه عيش تقيم أسرة وتربى أبناء
فقدناها لأننا لم نجد من يدافع عنها ممن كنزو وأغتنو بدمائنا

تعيش يا مصطفى
ودايما تنورنى

وحي القلم يقول...

السلام عليكم
نعم هو نصر
ونصر عظييييييييم
ولكن أتى بعده وكسه ونكسه اسمها اتفاقية كامب ديفيد

حلم بيعافر يقول...

عشان تبقى محترم لازم تحترم اصلك وتاريخك
بس دى كل الحكايىة
احنا مبنحترمش تاريخنا
مالااااااااااخر احنا منستحقش ان حد يحترمنا

------ يقول...

ازيك يااحلى صفاء

مقالك اكثر من رائع

بس العيب فى الاعلام

وغير كدا احنا خلاص اخدنا على الاهانة زى مابيقولوا كدا
يديك على قفاك يقول كمااااان

سعيدة بزيارتك
واتمنى ان يديم التواصل

سقراط مصر يقول...

عزيزتي صفاء
انا مقدر غضبك وحزنك من الواقعه دي اللى المتني بشكل كبير خصوصوا اني دلوقتي في الجيش وعرفت حاجات كتير عن حياة القوات المسلحه وقد ايه انها مليانه صعوبات واحنا في حالة سلم ما بالك بحالةالحرب ...
مش هاقلك انتى ستغربة ليه ولا ايه اللى خلاكي تنفجري مادام كتبتي في اخر تدوينتك
ولا كرامه لحكام دوله لم يدافعو عن شرف أهلها
انتى عارفه ونا وكلنا هنا عارفين قد ايه النظام بقى هين وهزيل وضعيف ومكبل الايدي كل من هب ودب بيلبخ ويوبخ ويشتم ويسمم بدنا بكلام يهري البدن وفين .. في قلب بيتنا

المشكلة مش في الشخص ده
المشكلة ان في تيارات داخلية مصرية تشكك في النصر
اسكتي يا صفاء ده الواحد بيقرا ويسمع ناس اعوذ بالله .. من كتر حبهم لعبد الناصر خلوا ملحمةاكتوبر العظيمة مجرد تمثيلية
ربنا يصلح الحال ويصبرنا
تحياتي

micheal يقول...

عشات احنا بلد مالهاش صاحب
:(((
بوست هايل وجاي ع الجروح فعلا
تحياتي

momken يقول...

ياستى يعنى هو ده بس

ماهو الكل بيشتم

بعيد عنك البيت الى مافيهوش راجل بتكون حيطانه مايله

وكلاب الحى تعوى قدامه

تحياتى

صفــــاء يقول...

مصعب صلاح
*********
وعليكم السلام
شكرا لمرورك ورأيك الكريم

---------------------

حلم بيعافر
************
يعنى ولا احنا هنحترمه
ولا حتى هنمثل الاحترام قدام الاغراب ؟
لو عجزنا نبقى محترمين نمثل ... نمثل اننا محترمين عشان الاغراب مش يلطشونا
شرفتنى جدا

صفــــاء يقول...

همسات على ضوء القمر
*********************
ازيك يا اجمل همسات
انت اللى اكتر من رائعه يا قمر
بس يعنى الاهانه وأخدنا عليها من اهل الدار
هنقعد كمان للى جاى من برة يلطشنا
حراااااام

مدونتك حلوة فعلا وسعيدة جدا بالتواصل بينا
تحياتى لك

--------------------------

سقراط مصر
**********
الاخ الكريم
عامل ايه فى الجيش يا دفعه ؟
والعدس اخبارة ايه معاك ؟
بالنسبه للبوست اسكت انا فعلا كنت زعلانه جدا ومتضايقه اوى من الاسلوب الحقير اللى قريته للمحاضرة بتاعه التافه دة
احنا اللى بنستضيف الناس المجهوله حتى من بلادهم ونكبر فيهم ونخليهم قال محاضرين
اراهنك ان محدش من بلده فاكرة لحد دلوقت
طمنا عليك فى اول اجازة بقى
نورتنى جدا

صفــــاء يقول...

مايكل
*******
يعنى ملهاش صاحب اللى رايح واللى جاى يشوطها برجله ؟
نورتنى جدا يا عميد

--------------------

momken
*******
ايه الحكايه يا قوم ؟
بلد ملهاش صاحب
بيت مافيهوش راجل ؟
احنا خلاص بقينا شويه ولايه قاعدين نولول ونندب جنب خيطه
حسبى الله فى اللى خلانا كدة
شرفتنى جدا

استراحة محمد يقول...

عنوانك رسالة لوحده
نصر رغما عن الجميع
وحشنى التعليق هنا
تحياتى دائما

صفــــاء يقول...

أستراحه محمد
**************
هلا يا محمد الحمد لله انك لسه فاكرنا يا عم
احنا كمان وحشنا تعليقك