الاثنين، 16 نوفمبر 2009

حلم المونديال وأسباب تقدم الأمم


هل نستكثر على انفسنا الفرحه ؟

فزنا فى مبارة واحتفلنا

هل هذا كثير للغايه ؟ أو مبالغ فيه ؟

قبل ان ترتفع صيحات الفوز

أرتفعت صرخات التحذير والعويل والندب على الشعب الاحمق الذى يتناسى مشاكله
وينساق وراء فوز و انتصارات وهميه وفرحه وقتيه

كيف نهلل لهدف او اثنان فى كرة القدم ونحن نعانى والمياة لا تصل لألاف القرى
والصرف الصحى منهار والطعام ملوث وأبنائنا غرقى وقتلى ومحترقين والانفلونزا
تحصد ضحاياها

كيف ننساق وراء مؤامرة الدوله لتمرير التوريث فى مرمى الشعب مختفيه فى اعطاف غوغائيه شعب وكيف نفوز على
الجزائر فى مباراة وننسى الاف المصريين المحتجزين هناك مهددين بالذبح والقتل
.
وكأننا يجب ان نحيا مأساة أغريقيه ونعلق بين جبلين ويمزق طائر الرخ أكبادنا كل يوم ونغرق فى طوفان الدموع
والحسرة على أحوالنا وتطوف مواكب اللطم شوارع مصر

متذكرين مأساويه أحوالنا وحياتنا وأياك أياك ان ننسى او نفرح بشئ ما او نحتفل

فى الايام الماضيه سمعت وقرات ألف مرة جمله يا امه ضحكت من جهلها الأمم

وكأن كل الأمم سعيدة راضيه فرحه بما أتاها تسبح فوق امواج الرخاء ونحن نمتص الاعواد الجافه

كل الناس تموت أبائهم واخواتهم وأبنائهم ثم يفرحون ويحتفلون بزواج ونجاح وميلاد

لا يحيون بجانب القبور

فلم بحق الله وجب علينا نحن ان نحيا فى تلك القبور

كرة القدم .... مثلها مثل اى شئ أخر فى حياتنا من نجاح وفرحه ومعاناة وألم وسعادة وزواج وطلاق

ليست بالتأكيد حرب ولكنها أيضاً ليست السخافه المطلقه

رياضه ... تسليه ... شئ ممتع مشاهدته والفرحه للفوز بها او الحزن للخسارة وفقط

لم نحمل كل شئ بما لا يحتمل ولا يطيق

هم مجرد شباب أفضلهم أبن فلاح ... مثل معظم أبائنا

ليسو من طبقه حاكمه او رجال اعمال او وافدين من الخارج

الموضوع كله شعب فرح بأنجاز أو نجاح أو تفوق بعض أبنائه

وحتى لو نتمسح بالفرحه ... لو نصنع سعادة وهميه

ما العيب ؟

نعم ولنأمل بالوصول لكأس العالم بل والحلم بالفوز به أيضاً

ما المانع
فــ ان وصلنا الحمد لله على تحقيق ما يسعدنا
وأن لم ... خلاص محصلش حاجه

البرازيل ربما كانت الدوله الوحيدة فى التاريخ التى أعلنت أفلاسها لتعلن فقرها وتطالب بأسقاط
ديونها

ومع ذلك فازو واحتفلو ولم تتضحك على فقرها وجهلها الأمم ولم تلغى احتفالاتها وتطفى أنوارها لأنهم فقراء وجوعى

نحن لا نحيا مجاعه ولا جفاف والأحوال عندنا بالتأكيد أفضل من نصف دول العالم على الاقل

لاااااا أقول اننا الأفضل فى الكون

لكننا لسنا الأسوء ايضاً لمجرد أننا هتفنا وفرحنا لبعض أبناء هذا البلد حاولو أدخال الفرحه لقلوب باقى أهلهم

العلم والتقدم والتكنولوجيا والبحث العلمى واقتحام الفضاء ليست مهمتهم ولا هم مسئولين عنه وليس بالبكاء والعويل
يتحقق النجاح

كما أن احتفالنا بالفوز فى مبارة لن يؤثر على فرصنا فى أحرازة
.

هناك 21 تعليقًا:

Lyssandra يقول...

أتفق معكِ
كرة القدم مثل أي رياضه
لا ممارستها ولا تشجيعها يتعارض مع همومنا ولا وطنيتنا

وبعدين صحيح
احنا مش أول دوله عندها مشاكل وأهلها بتشجع كورة
ومش معني اننا بنشجع كورة اننا خاليين من الهموم

أساسا أساسا انا ماليش في الكورة :)
بس لما المنتخب بيلعب لازم أشجع

صفــــاء يقول...

Lyssandra
**********
تصدقى بالله
ولا انا ليا فى الكورة ومش حافظه جدول الدورى يعنى ولا مواعيد ماتش الكاس ووحياة النبى ما اعرف حتى أسماء اللعيبه ولا نواديهم الاصليه
بس انا كمان معاكى لما المنتخب يلعب
يبقى لازم أشجع

حلم بيعافر يقول...

الحكاية اللى غايظة الناس اللى بتتكلم الكلام ده ايه؟
استغلال رموز الحزب الوثنى لنجاحات المنتخب الكروية لالهاء الشعب عن بلاويهم المتلتلة
الكتاب اللى بيقولوا كده مش مستكترين الفرحة ولا حاجة والله دول عالم زى الفل وبيشجعوا برضه وعندهم من الحماس اكتر مننا زى الاستاذ فهمى هويدى مثلا
لكنهم بيلقوا الضوء على جوانبب لازم ناخد بالنا منهما تماما ومفيش اى حاجة تنسيهالنا مهما كانت
وبعدين انا عن نفسى شايف اننا ادينا للماتش حجم كبير جدا اكتر من حجمه الطبيعى
محمد التميمى

صفــــاء يقول...

حلم بيعافر
************
شرفتنى يا استاذ محمد ورأيك يحترم جدا طبعا ولا خلاف عليه
لكن انا بتكلم عن نوعيه معينه بجد زى ما تكون بتتعالى على الناس الغلابه ... اللى هما احنا وباقى الشعب يعنى
وبيعملو عليهم نخبه .. تحسهم بيحقرو من سعادة الناس او بيستكثروها عليهم ودى انا لاحظتها من ناس كتير فعلا
ازاى يفرحو بشئ تافه ويتناسو عظيم المصايب اللى هما فيها
كون ان الحزب الوطنى ومسؤليه بيستغلو الموضوع دة لمصلحه شخصيه
طب وايه الجديد ماهم دايما بيستغلو اى فرحه ويتبرئو من اى ذنب
الهزيمه يتيمه والنصر له ألف أب

حاول تفتكرنى يقول...

أوافق بشدة

ان نبحث وسط الامواج الهادرة ، التي تقذفنا يمنة ويسرا عن جزيرة صغيرة ولو في خيالنا نرتاح عليها لنواصل

اي كانت هذه الجزيرة

تحياتي

البنفسج الحزين يقول...

الله ينور عليكي
طبعا عندنا مشاكل ...بس مفيش مانع ناخد أجازة من الهم والغم يوم ولو حتي بسبب ماتش كورة
تحياتي

صفــــاء يقول...

حاول تفتكرنى
**************
وهذا هو فقط كل ما طلبته

مع احترام مشاعر وفرحه الناس وعدم التنكيد عليهم بلا داعى كــ ضريبه لتلك الفرحه

تسعدنى زياراتك

صفــــاء يقول...

البنفسج الحزين
****************
ليه يا بنفسج حزين

عموما انا بس بطلب عدم خلط الأمور
ونسيييب الناس تفرح بدون سفسطه وفلسفه
سعيدة بالزيارة والتعليق

mohamed ghalia يقول...

صفاااااااااااء هو انتى معرفتيش
يابنتى البرازيل تقدمت يابنتى خلاص معدتش من الدول النامية
بندرسها دلوقتى فى الإقتصاد مع دول النمور الأسيوية على انها من الدول الى على طريق التقدم زيها زى تيوان
ياشماتة اسمها ايه دى فينا والله

Hesham يقول...

والله ياصفاء اتمنى تقرى اللى كتبته بعنوان امجاد ياعرب امجاد

أحــوال الهـوي يقول...

هو مين بيلاعب مين؟؟

احنا الاخضر و الا الاحمر

يعني اعيط و الا اضحك

اكتئب و الا اتفائل

كل و احد بيفسر الامور حسب مزاجه و حالته النفسيه و راي الفرحة ببلاش حللي الغلابه تعيش

و بعدين ازاي انت مالكيش في الكورة و انت لسه جايبه جوووووووووووول


تحياتي

د. ياسر عمر عبد الفتاح يقول...

نفرح أه

لكن مش كده
ل بجد الموضوع بقى زيادة أوي أوي أوي
دي بقت حرب

أنا منتظر قرار الهجوم العسكري في أي لحظة

حسبنا الله ونعم الوكيل في الإعلام الزفت

د. ياسر عمر عبد الفتاح يقول...

نسيت أقولك إن مصر أعلنت إفلاسها قبل كده :(
وقبل البرازيل كمان
دايماً في المقدمة :)

صفــــاء يقول...

محمد غاليه
************
والله يا محمد عارفه انا بتكلم عن واقع معين فى احوال معينه ومع ذلك لما كانت البرازيل فى الحال الزفت دى ملطموش وشالو الطين
ربنا يصلح الحال

----------------

Hesham
********
من عنيا حاضر .. جايه

صفــــاء يقول...

احوال الهوى
*************
معك من شمال الصعيد معلقتكم على مبارة مصر والجزائر فى تصفيات حلم المونديال
وزى ما انت شايف لو قاعد فى الدرجه التانيه منتخب مصر على يمينك ومنتخب الجزائر على شمالك
لو انت قاعد فى البيت يبقى منتخب مصر فى القاهرة ومنتخب الجزائر فى وهران

صفــــاء يقول...

د. ياسر عبد الفتاح
*******************
زى ما بقول الموضوع فى الاول والاخر كورة .. رياضه .. تسليه
لا يحتمل اكثر من ذلك ولا يطيق
كلامى كان عن السادة منّظرى الكوارث والبوستات والمقالات والبرامج اللى ملت الارض عن التافهه والهياهفه ويا ضيعه المصريين
وبعدين مصر ام الدنيا يعنى لازم أى حاجه عملها حد نكون عملناها قبله
:))

Unknown يقول...

كرة القدم عبارة عن مبارة لمدة
90 دقيقة لا بد أن يكون فيها فريق
غالب وفريق مهزومولا بد أن يوجد روح رياضية بين الفريقين والشعوب فإن إن
إنعدمت الروح الرياضية فبلاها كورة
أتمنى زيارة مدونتى
فرسان على مر الزمان
على الرابط التالى
http://fairsan.blogspot.com/
تحياتى
ويبقى التواصل

micheal يقول...

علقت طبعا ع الموضوع ده في الفيس بوك وحكررها تاني يا رب نفرح بكره والأهم أننا نعرف نتجمع في كل المجالات التانية يعني مش نبقى مستيين ماتش يجمعنا وبس
ساعتها حنحسن حاجات كتير بإيدينا بدل ما نلعن الظروف مع الإعتراف أن أغلبنا أصابه اليأس من التغيير
:)
تحياتي

صفــــاء يقول...

فرسان على مر الزمان
*********************
طبعا معاك حق ومش مطلوب اكتر من كدة ولا هى كرياضه او كتسليه تحتمل اكتر من كدة
سعيدة بزيارتك وان شاء الله اتشرف بزيارة مدونتك
شرفتنى

-----------------

مايكل
*******
العميد شخصيا ... يا سيدى تشرفنى هنا وفى الفيس بوك ودايما
ربنا يستر يا مايك على عقول الناس لأننا بقينا بالاضافه للتفاهه اللى بتحصل دى بنتشتنج وننفعل على بعض عشان مباراة وسايبين المهم
نورتنى يا عميد

غير معرف يقول...

نحتفل اوك لكن بالعقل

ولا نصدر حمى الانجاز .... لانه ليس بالانجاز العظيم

ولا يحاول احد من المسئولين الاصطياد في المياه العكره بالصاق الفوز بجهود الساده المهمين

تحياتي

صفــــاء يقول...

فتاة من الصعيد
****************
هلا بالقمر جارى وبنت المنيا المتألقه
ازيك يا قمر
جيالك حالا اشوف ايه اخر أخبارك