الثلاثاء، 10 فبراير 2009

نأسف بشدة



لهذا الغياب الطارئ والطويل

نتيجه عطل فنى ناتج عن كونى مواطنه صعيديه

يجب ان تتحمل ما على المواطن من حقوق ولا تتمتع بأى مما له من واجبات

وعليه فأن الانترنت فصل من الشركه وراسها وألف سيف

ما تشغله تانى ولازم اللجوء لشركه غيرها لتشغيل الخدمه

ودة أجراء أستلزم شهر ونص لأنهم تقريبا كانو بيصنعو ليا شركه لوحدى

وطبعا لو انا فى القاهرة الكبرى كان اشتغل على طول

بس لأننا صعايدة فأحمد الله انه اشتغل بعد شهر ونص بس

ومقلوليش انى لازم استنى لما مصر تغزو الفضاء عشان يمدولى خط نت

يعمل بالاقمار الصناعيه مصريه الصنع
















يالا الحمد لله على كل حال

شكراااا جدا لكل اللى سئلو عنى وتقريبا مبقاش وراهم غير الحكايه دى دلوقتى

نظرا لوجودى أسبوع وطفشانى شهر

بس والله المرة دى كمان مش بسببى

أجمل التهانى وأرق الأهدائات لأقرب وأعز الاصدقاء

شريف بيه ومصطفى ريان على صدور كتابيهما

شريف بيه أصدر (لست ألا بعض الأوراق) وهى تجميع لبعض التدوينات

من مدونته مع مجموعه من التعليقات المنتقاة
.
ومصطفى كتابه (اعترافات رئيس سابق) قصص قصيرة تميل للادب الساخر
.
وبعضها يحتوي على الخط الأجتماعي والرومانسي
.
صديقى الجميلين ألف مبروك ودوام الأبداع الذى لا ينقطع
.
.

هناك 17 تعليقًا:

Kiara يقول...

والله قلقتيني عليكي

دا شركة ايه اللي حلفت انها مش تشتغل دي انتي كنتي تبع ايه ؟؟؟؟؟

Ahmed Hishmat يقول...

حمدلله على السلامة
كفارة يا معلم

romansy يقول...

حمد الله على السلامه شهر ونص بس
الحمد لله على كل شئ

اهم حاجه اننا اطمنا عليكى

حسن حنفى يقول...

حمد لله علي السلامه


ان شاء الله مش تقطعي تاني

دمتي بخير

mostafa rayan يقول...

عود احمد يا جميلة - مين احمد دة صفاء -
وبلاش تغيبي عننا تاني
بس يا صفاء انا عايز اقول توضيح للقراء ان الكتاب مش استكشات دة قصص قصيرة تميل للادب الساخر وبعضها يحتوي على الخط الأجتماعي والرومانسي
دة بس مجرد توضيح علشان ما حدش يفهم الكتاب غلط وانه عبارة عن واحد بيهرج او بيقول نكت
اشكرك على اهتمامك وترحيبك ويارب مااتحرم منك ابدا يا صديقتي الغالية

غير معرف يقول...

لاادرى كيف أشكرك .. كلك ذوق وأخلاق .. ومجاملة

ربنا يكتب لك كل توفيق وعقبالك ان شاء الله

مصطفي احمد يقول...

حمد لله علي السلامه

مجدي أبو المجد يقول...

يعني ايه شهر ونص في عمر الشعوب مضايقة نفسك ليه خليها علي الله كله ماشي

رابطة هويتي اسلامية يقول...

الحجاب حقيقة ثابتة أم مجال للتفكير

من باب تناول جميع الأراء وفتح باب النقاش كان لابد أن نتبني في رابطتنا هذا النقاش الذي سوف يجعل من النقاش مرجع للجميع للوصول إلي الحقيقة التي يعرفها البعض وتخفي علي البعض ويحاول البعض تجنبها.
ومن هنا تبنت الرابطة أن تكون هي حجة علي من يدور بينهم النقاش علي صفحاتها.
نفجر الجديد دائما حوارنا اليوم
الحجاب حقيقة ثابتة أم مجال للتفكير
وفيها ننقاش بعض المدونات التي أعلنتها صراحة رفضها للحجاب وحوارنا اليوم موجه إلي مدونة " مذكرات ثائرة ".
ندعوكم للمشاركة في هذا الحوار المفيد
تقبلوا دعوتنا ننتظركم لنستفاد منكم
رابطة هويتي إسلامية

صفــــاء يقول...

.
كيارا
*****


ربنا يخليكى وأسفه لو كنت قلقتك

انا كنت تبع شركه اللى يحب النبى يزق
.


----------------------


أحمد حشمت
*********

الله يسلمك
أنقطاع النت كاس وداير على رقاب الكل
.


---------------------


romansy
*******

الله يسلمك وبعدين شهر ونص سنه ونص مش مهم يا مواطن مدام فى الاخر فرجناك على النت وهو معدى زى طلعه المحمل كدة
.


---------------------


حسن حنفى
********

الله يسلمك موضوع الأنقطاع بقى يحاسب عليه النت نفسه
.

صفــــاء يقول...

.
مصطفى ريان
**********


شكرا على ايه يا درش دة يوم الهنا لما أشوفك ناشر كتابك الاول

وتم التوضيح والتصحيح يا درش حكم انا مقدرش على زعلك يا باشا

شكرا جدااا لكل سؤالك عنى وربنا يديم المودة والاخوة ولا نتحرم من جديدك يا فنان

.

صفــــاء يقول...

.
شريف بيه
********


تشكرنى على ايه بس

الذوق كله من حضرتك والشكر ليك

شكرا على الكتاب الجميل والاهداء الاجمل

.

صفــــاء يقول...

.
مصطفى احمد
*********

الله يسلمك كلك ذوق



-------------------



صرخه حق
*******

عندك حق والله ماهو احنا شعب السبع تلاف سنه شهر ونص ايه اللى هنبكى عليهم دول...
.

واحد من الناس يقول...

كويس اوى انه جالك فى شهر ونص.. احمدى ربنا ده انتى محظوظه!!!

عقبال الـ wi-fi (:

تحياتى..

غير معرف يقول...

لاتكفينى كلمة شكرك

عقبالك .. فكتاباتك جديرة بأكثر من هذا

انت رقيقة الاحساس .. وماتخطين على الورق يعجز عنه الكثيرون

أكرر شكرى وتقبلى منى كل التحية

أنا حر يقول...

حمدالله على السلامة وان شاء الله المرة دي ما تغيبيش عننا تاني ولوالنت فصل برده من الشركة ممكن امدلك خط من الجهاز بتاعي عادي يعني مش هيكون طويل قوي من السويس لحد الصعيد مش بعيد
:)
تحياتي

سمكه واحده يقول...

والله علي طول في بالي يا جميله بس بالله عليكي متبقيش تغبي كده حتي ابقي طلي نوريني من اي مكان الناس الجميله دي مش من السهل تغيب كده ومنفتقدهاش ولا نقلق عليها
ربنا يسعد ايامك وديما تبقي في وسطينا تمتعينا حتي لو ساكته ببقي مبسوطه لما بدخل عندك اوي