وقفت مابين يدي مفسر الأحلام
قلت له : " يا سيدي رأيت في المنام
أني أعيش كالبشر
وأن من حولي بشر
وأن صوتي بفمي، وفي يدي الطعام
وأنني أمشي ولا يتبع من خلفي أثر
فصاح بي مرتعدا : " يا ولدي حرام
لقد هزئت بالقدر
يا ولدي ، نم عندما تنام
وقبل أن أتركه تسللت من أذني أصابع النظام
واهتز رأسي وانفجر
.
شعر احمد مطر
.
هناك 23 تعليقًا:
انا بقي ديما بحلم اني بطير
اجري اجري اجري واروح طايره وابقي مبسوطه
بس اطير اطلع لفوق لفوق وتيجي لحظه اعوز ارجع تاني وانزل الاقي نفسي مش عارفه انزل وهنا اتخض واخاف وابقي اتعلقت
والحلم ده بيتكرر معايا كتير ومش عارفه
حلو ولا وحش
بس خير ان شاء الله
ديما بحلم اني بطير
اما اقوم انام كل بوست اثول كده فيه ومش بتيل انام
اصلي لازم لف علي كل بوستاك ياقمر واركن حبتين عند حببتي واتشمس في مدونتها
ما اصعبه من حلم
بس مع صعوبته لازم كبنا نحاول نحققه
مهما كانت التضحيات
تفتكري الحلم دة ممكن في يوم يتحقق ؟
و انا احلم اني اعيش مع البشر و لكني لا اري نفسي بينهم
و لا نفسي يستنشق هواهم و املك بينهم ظلا و لا صورة
فسري بقي يا عاشقة التنجيم
تحياتي
.
سمكه واحدة
*********
يا روح قلبى انت تشرفى وتنورى وتسعدى وتفرحى أى مكان تروحيه دة طبعا غير انه شرف ليا ان مدونتى دى تكون مكان محبب ليكى
بصى بقى يا ستى تفسير الحلم
ولو انى مش بفسر لأى حد بس يالا بقى مدام جيبتى السيرة
انت يا قمر بتحب الحريه والانطلاق بس بتخافى من المسؤليه قد ما بتخافى من الحريه دى انك لما تاخديها متعرفيش تحسنى أستخدمها ...
والله أعلم ....... بس لو تفسيرى صح أبقى قوليلى
.
.
حسن حنفى
********
ما يسهل تحقيقه لا يكون حلم
الانسان لا يرى فى مخيلته الا ما يحاول رسمه فى واقعه
.
.
مصطفى
******
وما أسهل تحقيق الاحلام بالنسبه لك أخى العزيز فأنت لا تيأس وتحاول بكل طاقتك لكنك عزيزى قلوق فتحلى بالصبر ترى حلمك واقعا كما تحقق بالفعل جزء منه
.
.
احوال الهوى
**********
تمشى كما يمشون .. لكنك لا تخطو
تضحك كما يضحكون .. لكنك لا تلهو
تحيا كما يحيون .. لكنك تنتمى ألا حيث لا ينتمون
قد أعشق التنجّيم لكنى لا أرمى بالغيب
دائما تهوى أستدراجى الى حيث تعرف انى أهوى
.
.
كويس والله إن في حد لسه بيحلم :))
وكمان رايح يفسر حلمه
ده إيه التفاؤل ده :))
الكلمات جدا جميله
وفعلا تستاهل النقل
قويه ومعبره عن واقع الحال
تمييز كبير فالطرح :)
صفاء
انتي كأنك دخلتي جوايا بالظبط
دماغي فيها مليون الف حاجة عايز اعملها وساعات من كتر الحاجات بتلخبط
عارفة يا صفاء بجد ساعات بحس اني لو جرالي حاجة في دماغي او اعصابي هيكون بسبب القلق دة انك عايزة تعملي كل حاجة باحسن كفاءة وفي اقل وقت
بجد لوعندك وصفة لهدوء البال قوليلي عليها
لك كل الود والتحية يا صديقتي الغالية
صفاء
حتى الجزء دة لسة ما تحققش ومسكته بايدي
وطالع عيني ومتبدهل قلق علشان اشوفه
والناس اللي مسئولين عن الاحلام التانية مش صابرين وبيقولولك مالناش دعوة دة شغل ولازم تجيبه وتركز فيه
وحاجات تانية مش هينفع اقولهالك هنا
يظهر ان انا والقلق بقينا اصحاب
ربنا يستر ويتمها بالخير
لك كل الود والتحية يا صديقتي العزيزة
.
سلوى
*****
حبيبه قلبى احنا هنستكتر على الراجل الحلم؟
أعوذ بالله ... فيه كدة؟
.
.
أقصوصه
******
أحمد مطر مبدع ومتميز فى كل ما قال
ولأن أخفى بصراحه انى أعشق كل ما يكتب
ويمكن دة السبب انى دائمه الاقتباس منه تحديدا
شرفتينى
.
.
مصطفى
*****
اخى العزيز أصبر وما صبرك ألا بالله
انت مجتهد جدا ودى أنا أشهد لك بيها ومثابر بس برضه قلوق وبتتوتر بسرعه
هو مفيش وصفه للهدوء بس فيه تفكير يقولك انك بتسعى لتحقيق حلمك وانك بتجهد لتنفيذة فيبقى لازم عليك تكون أكثر راحه بال
تعمل اللى تقدر عليه والباقى تتوكل فيه على الله
وأن شاء الله أن شاء الله
يتحقق ليك كل أحلامك لأنك شخص يستحق رضا الله عنه
.
تفتكري يا صفاء في حد في بلدنا ممكن يحلم انه بشر او يبقا بشر في يوم من الايام راح الامل
.
صرخه حق
*******
طبعا طبعا هناك أمل كبير فى أننا نحلم ونعيش أحلامنا ونشوف اننا بقينا بنى أدمين
بس دة طبعا بعد ما نبطل نحس اننا معيز
.
صفاء بوست جميل بجد اواحد فعلا بيحلم وبيتمنا ان الحلم يتحقق بس ده نصيب وزى ماربنا كاتب هنشوف لو اراد ان الحلم اللى بنحلمو يتحقق هنحققو ان شاءالله بوست جميل تسلم ايدك
تحياتى
.
حياة بلا عنوان
*************
الجميل هو أحساسك بالكلمات وروعتها وأمنياتك بتحقيق الحلم
احمد مطر شاعر شديد التميز والابداع
شرفتينى يا جميله
.
برضه ولا هيهمنا
بشر ولا غيره
المهم احنا عايشين
........
خلي بالك من نفسك
انتي متراقبة
بتقرأي لأحمد مطر
وقعتك سوده
زي أخر الشراب
لو بطلنا نحلم نموت
حلم جميل كتير بيتمناه وانا من الكتير دوول وعندي امل كبييييييييير انه يتحقق
.
احمد حشمت
*********
أخر الشراب ؟؟؟
ما تخليها سودة زى كعب الجزمه احسن
على الاقل الريحه أخف
.
.
كيارا
*****
وان شاءا لله يتحقق وكويس جدا على فكرة انك من الناس اللى عندهم حلم وبينتظرو تحقيقه ويسعو أليه
ربنا يوفقك ويتحقق
.
إرسال تعليق