الجمعة، 27 فبراير 2009

دوله الصعيد المجاورة



أكتشفت أننا وحقيقا لا ننتمى لدوله واحدة وهذا ما تأكدت منه بالفعل
فنحن هنا كـ مواطنين نحمل الجنسيه الصعيديه
وعليه فنحن لسنا من التابعيه المصريه ولكنا جيران لهذة الدوله الشقيقه
قوانينها لا تطبق علينا و لا نتمتع بمميزات المواطنه بها
كما ان الخدمات المشتركه والتى تعبر الحدود بين الجارتين رديئه للغايه
ونهايه فنحن لا نستخدم عمله واحدة


وبما أن مقومات الدوله هى علم وعمله وحدود
.
وبما أننا لا نعترف بالعملات الصادرة من الدوله
وهى الفضيه من فئه جنيه وخمسون قرش
ولا العملات الورقيه ذات الفئات الصغيرة
ولا نتعامل بها أطلاقا فى حين انه يتم التعامل بها فى مصر

وبتعريف الحدود المصريه
***********************

والممتدة من الغردقه وشرم الشيخ شرقا وحتى مارينا وسيدى عبد الرحمن غربا
ومن الاسكندريه بلازا وبرج العرب شمالا
وحتى اخر خط المترو بضواحى الجيزة جنوبا
فنحن خارج حدود نطاق تلك الدوله الجارة والتى حتى لا تراعى معنا حقوق الجيرة

فالمواصلات شبه مقطوعه بين الدولتين لو أردت أستخدم وسيله مواصلات أمنه
كالقطارات مثلا فحين تذهب لمحطه مصر وتطلب قطع تذكرة ذهابا أياب
كأى سائح محترم فأن الموظف المختص سيخبرك بأنه يستطيع ان يقطع لك التذكرة ذهابا فقط
لا أيابا وكأنها رحله بلا عودة ... فأذا أردت الرجوع يمكنك قطع التذكرة من الجهه الاخرى من الحدود
أو يمكنك اللجوء الى الهجرة غير الشرعيه

و عبور الحدود عبر وسائل غير مأمونه فى السفر
كالأتوبيسات الغارقه أو الميكروباصات ذات السرعه الجنونيه

وعليه فمن الممكن أن نطالب مثلا بأنشاء سفارة بين الدولتين
لرعايا مصالح مواطنيها أقتداء بكل دول العالم
وكذلك أنشاء فرع لشركه مصر للطيران دولى الصعيد
فقد نتمكن وقتها من قطع تذاكر سفره ما ذهابا أيابا

بالنسبه للقوانين
******************


فأن كل جمهوريه مصر العربيه تطبق الاجازة يومى الاسبوع الجمعه والسبت
فى حين أنها لا تطبق فى أى من محافظات الصعيد سوى أجازة الجمعه فقط
بل وبعض المحافظات طبقت فى بعض مدرياتها الخميس كأجازة ايضا
فى حين ان مدريه الازهر تطبق الجمعه والسبت

باقى القوانين مثل القبض على مرتكب جريمه مثلا
لا يطبق على الاطلاق ... فنحن نتعامل بقانون
لو قفشوك ... وعليه فلا مرتكب جريمه قتل او مجزرة ما يقبض عليه
بل يتم ألاستسهال والقبض على أول مجنون ماشى فى الشارع

وألاسلحه غير المرخصه يتم مصادرتها فقط بالطلب
حين يجد الضابط المسؤل انه مطالب بتسليم عدد معين من القضايا

ولازلنا حتى الان نتعامل بأنبوبه البوتجاز المحرمه دوليا
والتى يصل سعرها شتاء الى ما يفوق 25 جنيه وأذا وجدت


فنحن نطالب مساواتنا بجيران مصر من الحدود الشماليه أسرائيل
عملا بمبدأ حسن الجوار وأسوة بمعامله الجيران الشماليين
والتى تدعم لهم الحكومه الغاز
فلا نطالب لا سمح الله أدخال الغاز الطبيعى الى محافظاتنا ومدننا او مراكزنا
فقد نطلب الحد الأدنى من المساواة وهو توفير الغاز

مفضلش غير العلم
**********************


وهذا والحق يقال لا يحترم فى أى من الدولتين الجارتين

مصر والصعيد


هناك 26 تعليقًا:

غير معرف يقول...

ايه دة مش مصدق نفسي اول تعليق عندك
اثبت حضور بس واقرأ واجي اعلق

غير معرف يقول...

مقال بديع من نوعيةالكوميديا السوداء
التي تمتازين بكتابتها - بلاش تكتبي
سيناريو علشان ماتقطعيش عليا - المفروض واحد زي يعد مايقرا كلامك دة يقول الحمد لله ويحس بالنعمة اللي هو فيها من حيث تمتعه بالغاز وسهولة تبادل العملات المعدنية ووجود انبوبة الغاز بسعر لا يزيد عن 8 او10 حنيه بينما هو يريدها بستة ويتهم البائع بانه حرامي ومستغل
ربنا يفك الازمة ويسهل لك كل الامور يا صديقتي الجميلة الغالية

صفــــاء يقول...

.
مصطفى ريان
***********

معالى الكاتب المتميز

هى كوميديا سودا بدل ما ننفصل أقليميا ونعلن جمهوريه مستقله
هههه "ضحكات شريرة متقطعه "

وتقريبا يا درش هو دة الحال اللى وصلنا ليه ... يعنى بدل ما حد يعترض على مشكله عندة يقوم يشوف ان ناس من اهل بلدة برضه عندهم مشاكل ألعن يقوم يحمد ربنا على مشاكله وانه كويس اوى انها جات على قد كدة بس

كلك ذوق يا مبدع
وجزيل الشكر
.

د. ياسر عمر عبد الفتاح يقول...

أبدى موافقتى وتأييدى على كل حرف
خاصة إنى أحد رعايا دولتك ومن حاملى الجنسية الصعيدية.
ورغم قربى الشديد من الدولة الشقيقة الشمالية حيث تبعد عنى مسافة ساعتين أو أقل إلا أن الفروق لا تزال واضحة.

أنا معايا اتنين جنيه معدى محدش ياخدهم بنص جنيه ورق؟؟

romansy يقول...

لالالالالالالالالالالا
انتى كده عاوزه تعملى ازمه وتوتر فى العلاقات
شوفى حل تانى

Amgad يقول...

والله يا صفاء شر البلية ما يضحك
وزي ما قال مصطفي
كوميديا سوداء
يعني مش عارف اضحك ولا اعيط
بس انتو مش تحمدو ربنا اننا بنفس العلم
ونفس الرئيس ونفس العملة ونفس اللغة
اللي بنتعلمها في المدارس طبعا
روقي روقي بكرة تروق وتحلي

أحــوال الهـوي يقول...

ده انت استبعدت بتوع الشرقيه
بس انا عندي شاليه في الساحل اخذ الجنسيه ؟

بس في الانجليزي بيقولو upper Egypt , و ده لانها فوق الكل

تحيا جمهورية مصر الصعيديه
تحياتي

صفــــاء يقول...

د/ ياسر
********

طبعا بما أنك مواطن صعيدى وتنتمى للدوله الجنوبيه الغير معترف بها
فبتوافق وتأيد
بس أمانه عليك يا دكتور ياسر لو أعتقلونى بتهمه انى بدبر لعمليه أنفصاليه
بلاش من فضلك العيش والحلاوة مش بحبهم
يا ريت بيك رولز من فضلك

ودة يا دوب اللى يقدر يجبهم جوز الجنيهات المعدن اللى معاك لما تحولهم لنص جنيه ورق ... أييييه فرق عمله
.

صفــــاء يقول...

رومانسى
********

لا وعلى أيه
لا أزمه فى العلاقات ولا توتر على الحدود
وبناقص يا سيدى الغاز لو مشكله اوى كدة
ربنا يخلي لينا ورق الجرايد
.

صفــــاء يقول...

أمجد
****

بقى يا راجل لما نكون نفس الرئيس دى حاجه نحمد ربنا عليها ؟
روح يا امجد ربنا يرزقك بيه رئيس قد 50 سنه كمان عشان تعرف تتنعم فى عهدة كويس .
وان كان على العلم احنا هنصدر علم خاص بينا عليه راس نفرتيتى
عشان ميعرفوش يطيرو راسها
هى طايرة خلقه
.

صفــــاء يقول...

احوال الهوى
***********

لا معلش الشرقيه ولاد عمنا بس تخلو عنا جغرافيا وراحو للناحيه التانيه من الحدود
وكون ان انت عندك شاليه فى الساحل فدة يدل على انك مش بس تخليت لا وكمان انضميت للطبقه ساكنه الشاليهات جمعنا الله وأياهم على شاطئ واحد
وميكونش على شط بحر الهوى رسيت مراكبنا

وشكرا على التحيه بس احنا لسه مخترناش تحيه خاصه لينا وغالبا هتبقى موال
.

Kiara يقول...

والله ضحكتيني علي فكرا مش الكل بياخد جمعه وسبت انا باخد جمعه بس عاااااااااا

والله هم يبكي وهم يضحك

بوست غريب وجديد ياقمري

حسن حنفى يقول...

ههههههه

تعرفي انك كده بتعلني العصيان

:d

ده اعتراف خطيييير

غير معرف يقول...

تخيلى انى فعلا اعرف واحد صاحبى طلب تذكرة ذهاب الى احد مدن الصعيد قالوا له فيه ذهاب بس؟

اضطر ياخد الطريق الصحراوى سواقة .. والى الآن لم يعد .. ولايعرف طريقه أحد

صفــــاء يقول...

كيارا
*****

لو انت شغاله قطاع خاص ففعلا بعضه مش بيدى اجازة غير جمعه بس

وبعدين احنا عاوزينك تيجى زيارة الصعيد عشان تتعرفى على المعالم السياحيه لجيرانكم

صفــــاء يقول...

حسن حنفى
*********

أنفصال او أستقلال وليس عصيان

.

صفــــاء يقول...

شريف بيه
********

دة اقل واجب نعمله يا افندم
انه ميرجعش تانى
دى أقل حاجه عندنا
ولو يهمك أمرة اوى
ولا يهمك ...
أنت بس تؤمر وانا أجيبه لك هوا وتتفضل تستلمه
لو عاوز يعنى ... احنا مبنخطفش حد غصب عنه ... الخطف عندنا بمزاج صاحبه

غير معرف يقول...

صفاء
قلبي معاك و كل المواطنين المصراوية اللي عايشين في الصعيد
الحال من بعضو يا صفاء فكذلك في المغرب عندنا ما يسمى بالمغرب النافع و المغرب غير النافع الذي يتمثل في القرى و الوادي و خصوصا الجنوب المغربي و بالتالي يتعامل معها بالاقصاء و التهميش لصالح المدن الكبرى
لكن الحل ان الكل في الصعيد يواجه هذا الاقصاء بالنضال من اجل كل الخدمات الاجتماعية و العيش الكريم
مودتي

صفــــاء يقول...

.
اسافو
******

احنا بقى بنتعامل مع الاقصاء والتهميش دة بالطنااااااش

لأن كل الخدمات وكل المميزات بتروح فعلا للمدن الكبرى والرئيسيه
واحنا بناخد زيارة كل 10 سنين
يبقى الاوفر انهم ينسو الصعيد دة فعلا
ولنا الله

مذكرات مشاغب يقول...

على فكره انتي بتتكلمي عن مشكله خطيره فعلا
عليها طناش ضخم جدا
وعدد المهتمين بيها قليل جدا
فعلا اصعيد دوره مهمش جدا في الدوله
وعلى الرغم انه الجزء الاكبر في الدوله من حيث المساحه والاهميه
لانه مصدر نهر النيل والسد العالي
لكن تلاقي الميزانيه المخصصه للصعيد متجيش حتى نص ميزانية الوجه البحري

بقولك ايه انا مليش دعوه بيكي
احنا في مصر عايشين في نغنغه
ومفيش اي نوع من التفرقه المكانيه
شكلك هتودينا في داهيه

تحياتي

غير معرف يقول...

قمري الجميل جدا
اسماء بتقولك انتظري المفاجاة الخميس دة
وعد منى ليكي هنكسر الدنيا احتفال
ربنا يكرمك ويوفقك يا صديقتي العزيزة الغالية من هنا لبكرةالصبح

صفــــاء يقول...

.
مذكرات مشاغب
*************

طيب يا سيدى متزعلش حلال عليكو النغنغه اللى انتو عايشين فيها فى القاهرة وحلال عليكو الكورواسون اللى بتفطرو بيه والعربيات الشبح اللى عند كل واحد فيكو
واحنا هنا خلينا عايشين فى المسلسلات العربى اللى ملت دماغ الناس بصعايدة من كوكب اخر
.

صفــــاء يقول...

.
مصطفى
******

شكرا خالص يا درش تعباك معايا انا

وميرسى انك سئلت اسماء وأردهالك يوم فرحك بس متنساش تعزمنى
.

maxbeta3zaman يقول...

صفاء الانفصالية التصفوية ذات السفارةوالعلم ...شكلك كده عاوزه تعملى زى دارفور وتخللى موش عارف مين يصدر مذكرة اعتقال لمين ...وبعدين تذاكر ذهاب وإيه ؟؟إياب!! أولا دى اسمهاذهاب وإيهاب أنا سمعت واحد بيحجز كده وقال للموظف تذكرتين القاهرة ذهاب وإيهاب ..ويظهر ان ده الاسم الصحيح للعودة وانتو اللى موش عارفين ..أما أكثر ما أعجبنى هو قانون" لو قفشوك " هو نفسه الذى غنت له ورده : لو قفشوك ..ماتقولشى ياصميده انك زعلان معايا ..لو قفشوك
لو قفشوك ..ماتخافشى ياصميده
دى الجثه فى الملايه دا لو سألوك
والله ان هذا المقال غاية فى الطرفة وأن لك الحق فى قول مافيه ,,والكلام ده لو وصل لهيلارى موش حاتسكت

صفــــاء يقول...

.
ماكس
*****
الله يكرم أصلك دة انت كدة وديتنى فى داهيه رسمى وضمنت لى الاعتقال والتهمه جاهزة ...ربنا يقدرك على فعل الخير
وبعدين هما لو أصدرو مذكرة اعتقال بحق مين عشان يحاكموة معرفش فين
دة يزعلك ؟
كمان يا افندم دة كان اسمه أيهاب لما كان لسه قاصر وفى حضانه أمه لكن بعد ما بلغ سن الرشد وانضم لحضانه ابوة غير أسمه لأنه مش بيحب الاسامى المايعه
كمان صميدة قفشوة فعلا بتهمه زعزعة الاستقرار وبالتحقيق معه اتضح انه ممعهوش من الزعزعه غير زعزوعه واحدة قامو سابوة وادوله الجثه وهو مروح يدفنها فى غيط القصب

شكرا على الزيارة والتعليق الجميل
.

eyad يقول...
أزال أحد مشرفي المدونة هذا التعليق.