الخميس، 5 مارس 2009

وبقيت مشهورة


واللا وبقيتى مشهورة يا صفاء
.
وأسمك وأسم بلدك نزلو فى الجرانين
.
طبعا أسم بلدنا دايماااا بينزل فى مختلف الجرايد
.
بس اول مرة ينزل فى صفحه غير الحوادث والوفيات
.
والصبح بقى بقول لأبويا هاتلى جريدة العالم اليوم
.
عشان نازل لى فيها لقاء
.
قالى خير !!! أخترعتى حاجه وانت نايمه ؟
.
.
.
.
.
.
.
.
.
.
.
.
.
.
.
.
.
.
.
.
.
مش مقدرين حجم الاهميه اللى بقيت فيها دلوقتى
.
وأن جرايد ومجلات وقنوات فضائيه وقنوات مائيه بتسعى حاليا لأجراء لقائات معايا
الشكر كل الشكر طبعا للصحفيه الجميله مسؤله صفحه المدونات فى الجريدة
.
أسماء رمضان لحوارها الجميل والرقيق زيها
.
وشكرا لمصطفى ريان على مسعاة فى الحوار دة
.
وشكرا للباشمهندس شريف على تعبه وتحويله المقال على الاسكانر وأرساله ليا
.
لأنى بحثت عن الجريدة دى حتى أحولت قدماى وقدم أهلى ولم نجدها
.
وأشكر الشعوب الكادحه التى تعبت من أجل تحقيق الحلم
.
لالا السطر الاخير دة مش ليكو دة للخطاب التاريخى بتاعى بعد الاستقلال
.
ومش عارفه بقى بصراحه بعد النهاردة هقدر اتكلم معاكو كدة عادى
.
والا لازم أخد وضع يتناسب مع مكانتى الاجتماعيه الجديدة
.
بس يالا بقى عشان تعرفو مدى تواضع العظماء وحسن تعاملهم مع عامه البشر
.
هكون قدوة يا جماعه وهعاملكم حلو وأمرى لله
.
والله الموفق
.

هناك 40 تعليقًا:

سلوى يقول...

مبرووووووووووووووك

عقبال الفضائيااااااات

سؤال بس جنابك
هنشوفك تانى ع المسنجر ولا خلاص :(

مبروك صفاء إنت تستاهلي كل خير
ربنا يوفقك ويسعدك حبيبتي :)

سلوى يقول...

ملحوظه
انا بكتب التعليق وصفاء معايا ع المسنجر
احسن تصدقوا
انا بضحك طبعا :))

Unknown يقول...

شكل مدونتك جامدة يا صفاء والله واحنا مش عارفين أكيد ربنا يبارك فيكي ويوفقك
ونشوفك ع الجرايد علطول بس مش في صفحة الحوادث ههههههههههههههههههههه
مودتي

dina يقول...

مبرووووووووووووووووووووووووووووك يا رافعة راسنا....ألف مبروك بجد....طب نزلى بقى الحوار عشان نقراه و نعلق و ننتعش كدا بقى....دا انتى بقيتى مشهورة ولازم نحتفل
يا رب دايما من نجاح لنجاح
تحياتى

بـسـمـــة صـــــلاح يقول...

السلام عليكم ورحمة الله وبركاته

ألف مبرووووووووووووووك يابنت بلدي
والله فرحنالك أوي مع إني أول مرة أدخل المدونة وان شاء الله مش الأخيرة
ربنا يوفقك عقبال الtv

دمت كما تحبين
تحيـ بسومةـــاتي(:

صفــــاء يقول...

سلوى
*****
حضرتى مش هتعرف حضرتك تانى لأنك بتمثلى الحقبه اللى خلصت وانا من هنا ورايح مش هعرف غير ناس مهمه زيى

(ربنا يخليكى يا سلوى ويكرمك يا رب)
.

صفــــاء يقول...

كاتب مصرى
*********
شكرا خالص ليك على الامنيه الطيبه برؤيتى على صفحات الجرايد
(بس متكونش بناء على طلب النائب العام لقيامى بسرقه قرض من بنك )

شكرا ليك كلك ذوق
مودتى وسلامى

صفــــاء يقول...

دينا
****
شكرا يا جميله على الكلام اللى زى العسل وشكرا لعودتك للزيارة عندى تانى

والحوار ممكن تشوفيه لو دوستى على الصورة المرفقه بالبوست وكبرى الصورة وأقرأى براحتك
لأنى بصراحه مكسله اكتب حاجه تانى
نورتينى وشرفتينى
.

صفــــاء يقول...

بسمه صلاح
*********
وعليكم السلام ورحمه الله وبركاته
أول زيارة وأول تعليق وأجمل تهنئه
ربنا يخليكى يا جميله
كلك ذوق
ويا رب أسعد برؤيتك عندى دايما زى ما أنا سعدت بوجودى عندك
نورتينى يا قمر
.

mostafa rayan يقول...

صفاء
الف مبروك ياقمر انااشتريت الجرنال النهاردةوانتي في الصورة زي القمر
والحوار كمان حلو قوي واسماء كتباه بمزاج
بس ياريت ماتزعليش مني اني ماكتبتش عنه الصبح لأن النت كان فاصل ولسة واصل دلوقتي وانا بكتب التعليق الساعة9ونص بليل بس زي ماوعدتك هنعمل احلى احتفال الف مبروك مرة تانية يا قمر الظهور الاعلامي الاول وبجد فرحان قوي
اني ساعدت اني ادخل فرحة لقلبك ولوبسيطة لأنك بجد تستاهلي كل الخير

mostafa rayan يقول...

طيب الحممد لله ان سبقت وطلعت في الصحافة
علشان اقدر اتكلم معاكي
هههههههههههه
ربنا يوفقك يا قمري الجميل قوي

صفــــاء يقول...

مصطفى
******
أستحاله يا مصطفى ازعل منك ولا ينفع يتزعل اصلا من حد جميل وطيب وبيحب الخير لأصحابه اكتر ما بيحبه لنفسه بالطريقه دى
ربنا يخليك يا أحن واطيب اخ فى الدنيا ووجودك بخير دة يدخل الفرحه لقلبى اكتر من أى حاجه
شكرا ليك بجد يا درش ولوقفاتك المتميزة بالشهامه
ودة مش جديد عليك

وطبعا احنا دلوقتى اة بقينا مشهورين زى بعض ... ونقدر نتكلم على مستوى القمه
.

حسن حنفى يقول...

الف مبروووووك

وبنشكر لحضرتك التنازل ده

ربنا يجعله في ميزان حسنات حضرتك بقي

:d

د. ياسر عمر عبد الفتاح يقول...

الف مليون مبروك
مش قلتلك قبل كده متسكتيش على نفسك

طيب مجبوش إسمى ولا حاجة فى أى حتة كده؟؟
مش أنا برد على طول


الف مبروك بجد

Kiara يقول...

الف الف الف مليوووووووووون مبروك ياقمر

انتي بجد تستاهلي كل خير

غير معرف يقول...

يا قمري بماانك نجمة الحفلة فتعالي بقي سيادتك ردي على معجبينك اللي بيهنوكي عندي ... البوست دة انتي اللي هتردي على نعليقاته

غير معرف يقول...

تستحقين اكثر من ذلك ياكنارى

صحيح اللى على على .. لكننا معشر الشعب واثقون فى ان تواضع العظمة له الغلبة فى النهاية

الف مبروك ومن نجاح الى نجاح باذن الله

وتحياتى الى مقال جميل بصف القليل من شخصية وكاتبة جميلة

romansy يقول...

من اولها كده
يا بختك ياعم
صورتك منوره الجريده
لو كنت لحقت كنت اشتريت 100 عدد
مبروك مبروك
وعقبالنا بقى

صفــــاء يقول...

حسن حنفى
*********

العفو العفو دة واجب على كل شخصيه مشهورة زيى انها تتكلم معباقى الناس عادى كدة
شكرا ليك يا حسن وعقبالك
.

صفــــاء يقول...

د/ ياسر
********

انت لما قولت لى مستكتيش على نفسك أفتكرت بقى انى موهوبه بجد

ولو حد جاب سيرتك يبقى عشان يتهمك بالتخطيط معايا لقلب نظام الحكم يا معلم... شكرا يا دكتور كلك ذوق وعقبال ما نفرح فيك كدة
.

صفــــاء يقول...

شريف بيه
********

طبعا طبعا لازم التواضع بتاع العظماء دة
ولازم اكون قدوة لباقى الشعب ان اللى على لازم يبص للى معليش

ربنا يخليك يا عمدة ولا يحرمنا من دخلتك على البلوجز
وبجد بقى بتكسفونى يا جماعه مش كدة بقى

صفــــاء يقول...

كيارا
******

شكرا جدااا ليك يا قمر والله يبارك فيكى
ولا يحرمنى من ذوقك دة

صفــــاء يقول...

رومانسى
********

دة العشم برضو

الله يبارك فيك وربنا يخليك وعقبالك كدة لما افرح بصورتك ومقال جميل عنك فى صفحه الادب
.

غير معرف يقول...

مبروك

:)

طيب حاولى تتكلمى معانا
كلمه
طيب حرف

عقبال نوبل

saragebaly يقول...

صفاء

الف الف مليووووووووووون مبروك

انتي جميلة وتستاهلي الخير كله

ربنا يفرحك ويسعد قلبك دايما

ونشوفك دايما في جميع الجرايد الدولية والعالمية

فارس عبدالفتاح يقول...

اولا اهنئك واشكرك

اهنئك على رؤيةك التى خرجت الى عالم الصحافة


واشكرك على قرأتك المستنيرة ووعيك لما تقراين ودفاعك عني بحق دون سابق معرفة


والثانية هل انت من المنيا نفسها ام من مراكز المنيا فلقد كانت لي ذكريات في المنيا نفسها

وكرنيش المنيا له معي زكريات جميلة وشارع الحسين وارض سلطان وشرق النيل وكفتريا سلطانه

فالمنيا بلد جميل واهلها اناس طيبين ولكم تمنيت ان اعيش في هذه البلد

ولكن المنيا تغيرت كثيراً فقد هدمت كل البنايات القديمة وظهرت العمارات الكبيرة والجديدة التى اضفت على المنيا روح العصر والحداثة

سلامي لكي ولكل اهل المنيا الطيبين

فارس عبدالفتاح يقول...

شكراً لك على احقاق الحق وايضاح اساءة الفهم لكلامي مع الاستاذ المحترم فشكول


لك كل التحية والتقدير

صفــــاء يقول...

احلام اليقظه
************
يووة بقى
وهو لازم الاحراج دة ؟
عاوزين ايه يعنى
حرف !!
طب حرف افندم بقى
ربنا يخليكى يا احلام كلك ذوق وعقبال ديوانك الشعرى يا قمر

صفــــاء يقول...

سارة جبالى
*********
انت الاجمل والارق والاحلى

الله يبارك فيكى يا قمر
ربنا يخليكى

كلك ذوق يا جميله

صفــــاء يقول...

فارس عبد الفتاح
***************
ليس من المهم ان تكون على معرفه بالشخص كى تدافع عنه
كما ان عم صلاح هو من أطيب الناس وأرقهم ولا يستطيع احد تحمل توجيه اهانه أليه او حتى مجرد تلميح
وكل ما فى الموضوع هو خطأ فى التواصل بينكم أحتاج لمن يوضحه لا من يشعله كما انى وبالحق وجدت فى تعليقك الذى اوردة عم صلاح كل الاحترام والتقدير الذين يليقان بمقامه
فلا داعى للشكر فما قولت الا الحق
وانا يا سيدى الفاضل من مركز بنى مزار محافظه المنيا وكل اهل المنيا يشكرون لك حسن تحيتك
ويشرفنا سلامك
المبانى القديمه اللى حوالين ميدان المحطه وطريق الكورنيش فعلا كلها هدمت وقام مكاناها بنايات ذات أشكال لا قيمه لها وغوغائيه لكن هذا حكم الزمن
شرفتنى جدا بالزيارة وشكرا على ذوقك وتهنئتك
نورتنى

سمكه واحده يقول...

صفاااااااااااااااااء
سمكاااااااااااااااااه
وتجري سمكه ببطءعلي صفاء
وتجري صفاء بنفس البطء متجه الي سمكه
ويقعوا علي الارض بعد التصقيف الحاد والتهليل والاحضان والسلامات وتقول كل منهم(عيش معايا اللحظه) وتلتفت سمكه ورئها اذ فجأتن بكامير كبييييره تقوم سمكه زقه صفاء حته زقه موقعاها علي الارض وجري علي التلفزيون بيصور يا عيال تجري تظبط اللياقه وتعدل الطرحه وتبتسم في وش الكامير وهي مقربه اوي للكاميرا وبتعمل باي بالايد التانيه للكامير وكل شويه الراجل يبعد ويقولها مش كده يا بنتي ميصحش !وهي ابدا تقوم تقول بصوت واطي عشان التلفزيون بيصور بس ياض وتبرقله وتقوله هديك في مناخيرا وترجع تعدل سحنتها وتبتسم للكاميرا
وصفاء اتنست في الموضوع قامت صفاء بعزم ما فيها جري علي سمكه موقعها وعضاها من رسها وبلاش اقول قلتلها ايه
(وش مطلع لسانه)
مجبتيش سرتي يا صفصف مكنش ده عيش ونت اخص اخص لا اخص اخص

بجد بقي
مبررررررررررررروك الف الف مبروك يا جميل لو مكنتش انت تطلع في الجرنال مين بس اللي هيطلع انا فرحتلك اوي اوي يا جميله انتي تستهلي كده واكتر والله انتي عسل ورقيقه وراقيه وكلامك كله زي العسل وطالع من القلب وانا مش مستغربه لان انتي كان لازم تطلعي للانوار يا قمر ولسه ان شاء الله اكتر من كده كمان
يارب يجعل ايامك كلها سعيده وتحققي كل اللي تحلمي بيه بس متنسناش بقي اي كلمتين حلوين في اي حوار بقي هه ماشي ظبتيني كده سمكه وبتاع متنسنيش اصلي نرجسيه واحب اسمع اسمي كتير هههههههه
مش كل الكلام ده ببلاش يعني
انا مبسوووووووووطه عشانك يا قمر
ويارب من نجاح لنجاح وحجات حلوه كتير
اموووووووووه

اسماء يقول...

صفصف الجميلة انت تستهلي كل خير يا بنتي
مبروك عليك الحوار
وعقبال القنوات الفضائية كلها يا رب

maxbeta3zaman يقول...

ماشاء الله ...اللى على على (بكسر العين مرتين )...أما وقد دخلت الصحف الورقية ..,واصبحت من أصحاب المقابلات والريبورتات ..فإننا سوف نطلب السكرتاريه أولا والإذن ثانيا عند التعليق أو قراءة البلاليج ..وبعدين لو لقيتى عربيات خضرا لورى مليانه ناس لابسين اسود ومعاهم عصيان ..وبيقولوا هووه هووه هووه..وبيعملوا حلقة كبيره حوالين المنطقة لا تفتحى البلكونة ..فغالبا دول حيكونو أمن البلاليج ...
كل التحية لقلم نعتز به

سمكه واحده يقول...

كل سنه وانتي والاهل بخير
صلي علي النبي محمد
اللهم صلي علي نبينا محمد
عليه افضل الصلاه والسلام
لعن الله الدنمركين وكل من تسول له نفسه سب رسول الله
اللهم ارزقنا حبه
كل سنه وانتي جميله مبسوطه و الي الله اقرب

صفــــاء يقول...

سمكه واحدة
*********
دة انت عملتى فيلم كامل من انتاج وأخراج وتأليف سمكه وبطوله مشتركه لكل من سمكه واحدة عبد الفتاح وصفاء جلال
وبعدين يجيى التلفزيون يصور تقومى يا وحشه تزقينى ترمينى على الارض ؟
كل دة ليه يعنى
لما تطلعى فى التلفزيون هيطول عمرك شهر ؟
يا وحشه .
وبعدين أذكرك فى اللقائات والحوارات بتاعتى ليه يعنى
هو انت كنت ساهمتى فى التقدم العالمى والرقى الثقافى زى ما انا كنت عملت ؟
انت حيالله حتى سمكه وواحدة بس كمان
لكن انا واحدة ذات شأن وبطلع فى الجرايد يا نكرة
ههههه حبيبه قلبى ربنا يخليكى ليا ويكرمك يا رب ولا يحرمنى ابدا من محبتك ودخلتك عليا المدونه كدة وانت فى ايدك كيس جوافه (بخيله)
شكرا كتير كتير كتير يا سمسمه وكل سنه وانت وكل الاهل وكل اللى بيحبوكى واللى انت هتحبيهم بألف صحه وخير وسلام

صفــــاء يقول...

أسماء
****
يا جميله كلك ذوق ورقه

وأنت اهل لكل شئ جميل وذوق زيك

شكرا يا سمسم وكل سنه وانت بألف خير وسلام يا رب

صفــــاء يقول...

ماكس
*****
بقالك كام يوم مش مريحنى
مرة عاوز معرفش مين يستدعوة للتحقيق معاة معرفش فين يقوم يعتقلونى بعدها
وتانى مرة عاوز تجيب لى الأمن المركزى بتاع البلاليج
بس تصدق بقى انت لما قولت عربيات لورى خضرا فيها ناس لابسين اسود وماسكين فى أيديهم شوم انا أفتكرتك بتقصد أهلى الصعايدة جايين يقتلونى ويخلصو من عار أستخدامى للأنترنت

الله يبارك فيك وشكرا ليك جدااا ربنا يخليك لعموم المدونين
كل سنه وانت طيب وبخير وسلام

هاني سعيد يقول...

اسلوبك حلو يا صفاء بس كنت عايز اعرف منك
يا ترى ايه هيبقى برنامجك الانتخابى لما تترشحى للرئاسة ؟
وهتقولى ايه لشعوب العالم لما يسالوكى عن الايدلوجيةالفكرية والعولمة وتأثير البيروقراطية على المواطنيين ؟
وكمان انتى هتعملى انفتاح من جديد ولا هترجعى الاشتراكية والراسماليه عايز اعرف شكل دولتك هيبقى ايه ؟ واراء الشعب والمواطنيين فيكى لو بقيتى رئيسة جمهورية ولا انتى ناوية ترجعى الملكية ؟ ولا فى فخيالك تخلى الحكم يبقى امبراطورى والحاكم يبقى امبراطور وانتى امبراطورة؟
لكى تحياتى واشوفك على خير ونتواصل بود دايما
سلام

صفــــاء يقول...

هانى سعيد
*********
والله يا مواطن هو الموضوع جه ازاى ؟
جه من البوست اللى قبل دة وأن احنا هنا فى الصعيد أصبحنا دوله مجاورة للدوله وملناش حقوق فيها
قوم أيه
المواطنين اللى زيك كدة طلعوها فى دماغى انى لو أستقليت بالأقليم الجنوبى هعمل بيه دوله لوحدى
قوم أيه
شعشعت فى دماغى شويه كدة لدرجه انى كتبت خطاب الاستقلال
قوم ايه
لقيت ان كفى الله المؤمنين شر القتال وبلاها الأستقلال دلوقتى
وطبعا يا مواطن غنى عن التعريف انى أول ما أبقى الرئيس هدربك البلوج أسبوت على دماغكم , حكم انا محبش الكلام دة
شرفتنى جدا يا هانى ونورتنى بالزيارة وأتمنى الدوام

هاني سعيد يقول...

يعنى قرار الاستقلال طلع اشاعة وانتى خلاص مش هتبقى رئيسة؟
يا خسارة كان نفسى يبقى لبلدنا رئيسة عشان تبقى حنينة على المواطنيين وتدينا اجازات كتير فى المدارس والشغل ولما تبقى حامل او بترضع تدى اجازة للشرطة وللشعب سوا وكل واحد يعمل ما بداله
انتى كدة ضيعتى امالى وحطمتى طموحاتى انا معترض على قرارك بالغاء قرار الاستقلال
عودى الى رشدك
عودى ياااااااااااا صفااااااااء
عودى عند الفجر
موعدنا شروق الشمس
عودى ياااا صفاءءءءءءءءء
باى باى