الخميس، 19 نوفمبر 2009

رجاله بلدنا


الشاشات منورة بصور المشجعين المصريين

الباكين المنتحبين المكسرين فى السودان

وكل راجل وراجل بسم الله ما شاء الله شحط

واقفين بمنتهى البرائه والاستسلام يقولو الجزائريين ضربونا

الجزائريين هيموتونا

احنا اتهزمنا بيضربونا ليه بقى

مش هما كسبو يبقى بيضربونا ليه

دول كانو معاهم سنج ومطاوى

دول ضربونا بالطوب

الستات اللى معانا انضربت

كل شحط وشحط فيهم وفوشه شنب

والحريم اللى معاهم انضربو

لا والصويت اللى فى التليفونات والحقونا معانا مصابين وجرحى

ومفيش دوا أصلهم تحت القصف فى غزة والا بغداد

يبقى معلش والنبى من فضلكم يعنى محدش يتحرش بواحدة فى الشارع

محدش يعاكس حتى واحدة

أرحمونا من نشيد رجاله وطول عمر ولادك
لما معرفوش حتى يحمو البنات والستات اللى كانو معاهم

وطالعين كلهم ينافسو بعض فى الشحتفه

وبكدة نبقى احنا الشعب اللى مش عارف ياخد حقه لا برة ولا جوة

كدة نبقى احنا شعب فــلــه يا روحى

هناك 33 تعليقًا:

سلوى يقول...

الله يحظك ضحكتيني
هما كانوا بيتشحتفوا ولا لأ
أصلها تفرق شويه
ههههههههههه

ويعني عملوها الرجاله واتضربوا
ههههههه

طيب بالله عليك ايه وداهم هناك
مش برضو اللي يطلع من داره
:)

صفــــاء يقول...

سلوى
******
يوووة شحتفه ونهنهه وكانو قربو ينفو فى العلم
وتسمعى كلام يرعب من شباب ورجاله المفروض انهم يدافعو عننا بعد كدة لو حصل حاجه
كدة اطمنت على مستقبل البلد دى
غطينا وصوتى بقى

سلوى يقول...

طب اغطيكي بإيييييييييييه
ممممممم
اقولك هغطيكي بالعلم
هههههههههه

صفــــاء يقول...

بلاش العلم والنبييي
احسن يكونو عملو بيه حاجه اكتر من انهم مسحو بيه مناخيرهم

سلوى يقول...

هههههههههه
يخرب بيت كده

طيب وانا برضه كنت هديكي علم كده ولا كده

بس برضو الاستحراص احسن
بلاش العلم

اقولك
تستني من غير غطا لــ 2014
يمكن يفوزوا والعلم يبقى تمام
واهو تبقي في السليم وتتغطي من غير قلق
:)

صفــــاء يقول...

واللا ما قصرتى
ويمين على يمينك ما هينزل كلامك الارض
نقعد من غير غطا حتى 2014

ومن المسا والغناء والرقص لا ينقطع فى بيت ابو الوفا
داهيه يولع بيت ابو الوفا وينهد على دماغهم طلعو مواشى كلهم بيبرطعو فى الشوارع وخلاص
:D
:))))

حلم بيعافر يقول...

مش رجالة اوى يعنى
ده فؤش وهيثم شاكر
وحبايب ومعارف بتوع الخزن الوطنى
يعنى فرافيييييييييير
يللا اللى حصل حصل
والحمدلله

صفــــاء يقول...

حلم بيعافر
************
شوف يا محمد ... هو انت عندك وجهه نظر فى النقطه دى
بس على الاقل كانو حفظو ماء وجههم شويه
مش عياط ومضروبين ومنظر مهين بالشكل دة

نورك غطى على المدونه

Hesham يقول...

احسن تعليق اللى قاله ابراهيم حسن لما قال ان احنا جرينا ليه انا كان رأى بدل مايسافر محمد فؤاد ونهال غنبر يسافر شويه سواقين ميكروباص على شويه فتوات من بتعونا وكانوا كسروا الحوش دول يعنى هما باعتين وش اجرام واحنا باعتين مغنيين مش فاهم والله

صفــــاء يقول...

Hesham
********
لما نبقى عارفين مسبقاً نوعيه المشجعين بتوعهم
ولما نعرف انهم بعتو المشجعين فى طيران حربى
ولما نسمع اشاعات انهم بعتو 10 الاف جندى صاعقه على انهم مشجعين
ونودى احنا الناس دى يبقى احنا فعلا بنستهبل ..قال يعنى بنقول شوفو احنا ناس متحضرا باعتين نخبه الفنانين والسياسين والمثقفين والناس البيئه دول موديين بلطجيه ... والنتيجه صورنا فى كل الفضائيات رجالتنا عايطه وباكيه
اخى فله يا روحى

على باب الله يقول...

ما هي المشكلة ان اللي سافروا من عندنا هما العالم اللي معاهم فلوس يدفعوا تذاكر طيران للسودان و تذاكر المباراة و دول فافي يعني أكيد مالهومش ف اللبط
ده غير الفنانين و الإعلاميين و خلافة و دول برضه مالهومش في البلطجة

لكن لو كان أهل السلام زبيكو و الضرب الأحمر و مزلة السمان هما اللي كانوا سافروا كان كل جزائري رجع بلده و في مؤخرته خازوق

سمكه واحده يقول...

لا ياصفاء
المصري معروف بقوته جبروته
لا بكلم جد متقرنيش دول بدول
دول جيبين صيع الجزائر وناس معرفش منين ومنين
واحنا جيبين صفوه المجتمع وناس بتاكل زتون كلاتاتا
معاكي انا متغاظه اوي من كلمه احنا انضربنا احنا انضربنا بيضربونا ليه بقي مش كسبوا
بيضربونا ليه بقي
طييييب مش لاعب هه بس كده
بجد انا متغاظه زمان الجزائر مسكنا تريقه وكلام وحش بقي علينا علي رجاله مصر ودي حاجه تضايق
بس عارفه لو جبنا صيع المصرين والناس اللوكل كنا كسبنا
احنا يابنتي يامكتر مصر من الناس الجامده دي بس شاطرين نتشطر علي بعض
ياله خير

عمرو جويلى يقول...
أزال المؤلف هذا التعليق.
Unknown يقول...

بوست خفيف الظل وأحلى ما
فيه تعبير راجل زى الشحط
هههههههههه
والله أنا مبسوط فيهم عاملين
رجالة هنا بس ، بس بينى وبينك
الجمهور الجزائرى كانوا عبارة
عن ميليشيا مسلحة بالسلاح الأبيض
وكانوا ناويين عليها ، قالوا رجالة
مصر دول مش مؤدبين يلا نأدبهم
هههههههههههههه
تحياتى
ويبقى التواصل
أتمنى زيارة مدونتى
فرسان على مر الزمان
على الرابط التالى :
http://fairsan.blogspot.com/

صفــــاء يقول...

على باب الله
***********
انت عارف انهم كانو مخرجين مسجلين خطر من السجون وباعتينهم ؟
معلش يعنى الموضوع مكنش مفاجئه ... كلللللنا كنا عارفين الجزائريين هيعملو فينا ايه ومن قبل الماتش بكتير
ومع ذلك برضه كملنا استعباط وبقينا نشحن الناس زى البقر زى ما نكون بنبعتهم لقدرهم
انا مش من السلام ولا الدرب االاحمر
احنا صعايدة , يعنى بتوع الجزائر .... مكنوش هيرجعو اصلا

صفــــاء يقول...

سمكه واحدة
************
سمكتى الجميله المصرى معروف بجبروته فين بالظبط ؟
وهو بيعاكس واحدة فى الشارع ؟
والا وهو بيتفالح وبيتشطر على جار او أخ او أبن بلدة؟
لو المصرى جبروت اوى كدة كان طلع مله ولاد الكلب دول
مكنش خرج على التلفزيونات دموعه مغرقه وشه والدم مغرق الناحيه التانيه وبيقول انضربنا
دول كانو ماتو هناك ومرجعوش بالكلام والمنظر القذر دة

صفــــاء يقول...

فرسان على مر الزمان
*********************
هقولك ... من ناحيه انا شمتانه فيهم عشان عاملين رجاله علينا وقدام الاغراب عيشه ..معظمهم بتوع الحزب طبعا
ومن ناحيه تانيه محروق قلبى على ولاد بلدى وهما خارجين بالمناظر المؤلمه المهينه دى
كنا عارفين الجزائريين هيعملو ايه
كنا على الاقل لو مش هنبعت لهم مشجعين من نفس النوع
مكناش شحنا الناس لقضاهم كدة
المدونه فعلا زورتها المرة اللى فاتت بس لم اتمكن من ترك التعليق
ان شاء الله أكرر الزيارة والمرة دى هأكد حضورى والله
شرفتنى جدا

غير معرف يقول...

هههههههه

وجهه نظر صعيديه دي

عندك حق

ده لو راح معاهم واد من بتوع المطاوي كان علم على العشر تلاف دول اللي ضربوهم

تخيلي الجزايريين معاهم مطاوي .... ومعروش غير كام واحد

فينك يا ابراهيم يا ابيض :D

تحياتي

همس الاحباب يقول...

مع الاسف
من سافر وا مسالمين واخرهم بيشوفوا الحاجات دى فى مشاهد السينما
ماذا يفعل شخص اعزل اما البلطجية والمسجلين الخطر والسفاحين
يا ريت كانوا بشر مع الاسف دول سفاحين
الغلطة اننا ما تعلمناش من التجربة وعملنا حسابنا وبعتنا بلطجية مثلهم
اما الاطفال والنساء ما ذنبهم فى الترويع والارهاب اللى حصل
اللى ايده فى الميه مش زى اللى ايده فى النار
ومش كل مصر صعايدة يا صفاء
ههههه
تحياتى

حاول تفتكرنى يقول...

اخترتي كلمات غاية فى الإيلام


اعتقد ان فيها خطأ كبير ، أو صورة ناقصة ، أو على اق التقدير لا تستحق كل هذا الإيلام

برة واخدين حقنا ، صدقيني ، وانا اقول هذا وانا واحد ماللي برة ، جوة معك حق

واخدين حقنا بالاحترام ، والعمل الجاد المخلص ، واذا كان المفترض ان اخذ حقي ، من قلة ادب موجهة لى يجب اولا ان اتنبه لها

سيحدث شىء من اتنين لاحقا

اما ان اعود هنا واقول صفاء عنها حق
واما ان تعودي انت وتقولي انك تسرعتي

الحالة الاولي لو ان الامر مر كما لو لم يحدث شىء

والحالة الثانية اذا اثبت الرجالة انهم رجالة ، وانهم تعرضوا لشىء مخطط

تحياتي واحترامي

د. ياسر عمر عبد الفتاح يقول...

أنا برضه عمال أقول
كل دول رجالة موجودين
ومسعناش عن واحد منهم ضرب جزائري
اللهم إلا مجموعات الألتراس الأهلوية اللي اشتبكوا مع الجزائريين ,, لكن اشتباكات تعبانة

تقريباً كده والله أعلم يعني
الحزب الوطني مكنش واخد معاه صعايدة
لأني مشفتش ولا جلابية هناك
لو كنا خدنا معانا أتوبيس من ردالة الصعيد الدواني
مكنش حصل الكلام ده
ده الواحد منهم بيرفع إيده في وشي
الشمس بتغيب وراها

وسلام حار للكابتن ابراهيم حسن
هوه الوحيد اللي علم عليهم

Unknown يقول...

تصدقى وتأمنى بالله
أول كلام معقول اقرأه
عارفة ليه رجالاتنا المشجعين
ماعملوش حاجة؟لان التذاكر المجانية
والسفر على الحساب لفلان وفلان وعلان
بالواسطة والمحسوبية والمعرفة والا قوليلى الفننننننننننننننانين
كان ايه لزمتهم فى المولد دا؟
هى كانت حفلة غنائية ؟

فارس عبدالفتاح يقول...

طبعاً مع الأسف الشديد زي كل مره مفيش قراءة للتاريخ أو تحليل صحيح ومقصدكيش أنت لوحدك يا أخنتا الفاضلة أنا بقصد كل المصريين

المصريين فهمين من كتر الشحن فيهم والنفخ في عقولهم التي هي عقول العصافير أنهم أقوى شعب على وجه الأرض وأنهم أزكى شعب على وجه الأرض وأنهم أرقى شعب وعلى وجه الأرض وانهم أشجع شعب على وجه الأرض .. لدرجة أنهم يكاد يقولون نحن شعب الله المختار مثل الإسرائيليين والمصيبة أنهم لم يقرءوا التاريخ كالعادة

يقول لنا التاريخ وأظن انه كانت هناك قصة عقبة بن نافح مقررة علينا بس والله مش فاكر فانهي سنة دراسية

المهم أن البربر هم الشد الشعوب غلظة وأعنفهم قتلاً وأشرسهم وأقدمهم في الحروب

ولقد ظل الدولة الإسلامية تحارب 12 سنة يعني اثنتي عشرة سنة بالعربية في فتح شمال أفريقيا من قسوة قتال شعوب البربر وضراوتهم في الحروب وهم يقاتلون أشجع العرب وامهر العرب في فن الحروب والقتال

حتى أن عقبة بن نافع قتل بعد أن اسر من البربر وتم تعيين قائداً آخر


والآن لم تسعفني الذاكرة بعدد القادة العرب الذين شاركوا في فتح شمال أفريقيا مع الأسف وهم كثر


المهم أننا كمصريين سواء بالفنانين او بالعربجية او ببتوع المكروباصات كلنا بأءيأءه يعني بتوع كلام وبس وياريت كلام له معني أو أصول موضوعية إنما كلام على السمع فقط دون أن يعرفوا جوهر الأشياء ومراجعها


مع الشكر على سعت الصدر

صفــــاء يقول...

فتاة من الصعيد
***************
ما الطبع يغلب يا قمر
صعيديه ... يعنى هتاخدى رد فعل من دة كتير
بس بأمانه ربنا يا شيخه
وانا قريت البوست بتاعك .. انت كمان شايفه اننا انضحك علينا فى الليله دى

هما فعلا كانو عاوزين اللى يعلم عليهم :D

صفــــاء يقول...

همس الاحباب
************
ايييه الموضوع ... طب والله ما كان ينفع معاهم غير الصعايدة
ولو اننا طيبين ومسالمين ومحترمين
بس على الاقل مكنش هيبقى منظرهم باكى وممرمط كدة
خالد المنظر مهين بجد والفضائيات بتعيد وتزيد فيه بشكل وووووحش

نورتنى والله يا ابو همس

صفــــاء يقول...

حاول تفتكرنى
*************
ممكن تكون الكلمات مؤلمه
بس الصور أشد أيلاما .. والشكوى أكثر واكثر
لما تلاقى بنات وستات بلدك على التلفزيون مربطين وسايحين فى دمهم وتلاقى الرجاله اللى كانو معاهم بيقولو ان المشجعين الجزائريين اتحرشو بيهم واصلا اصلا اصلا حد يودى ناس السودان ؟
السووووداااان ؟
دى بلد مقطعه بعضها وشبه حرب اهليه وحرب انفصاليه ودنيا مقلوبه
انا مش بعرض وجهه نظر فى الموضوع دة عشان ادافع عنها او اختلف معاك فيها
انا بقول على وضع وحش فعلا
بالنسبه للمصريين برة مقولتش متبهدلين بس كمان مش مرتاحين وكتير جدا منهم مهانين ومش هقولك القائمه من اول الجلد فى السعوديه وغيرها بس الانسان لا يجلد
العقوبات دى انتهت من ذاكرة الدنيا ... الانسان لا يجلد
من اى جنسيه من اى دين
الحيوان مش بيتجلد بالكرباج عشان ننجلد احنا
مفيش خلاف فكرى عشان حد فينا يطلع غلطان
ورأيك له شديد الاحترام
شرفتنى والله

صفــــاء يقول...

د.ياسر عبد الفتاح
************
اللى سمعنا عنه بس فنانين انضربو واعضاء مجلس شعب جريو وراهم فى الشوارع وبنات اتحرشو بيهم
لكن واحد جزائرى يوحد الله دخل فى رجله شوكه حتى مفيش
عارف يا دكتور
كرة القدم دى اصلا اسمها الرياضه الشعبيه الاولى
يعنى مينفعش نودى بهوات وبشوات وناس على طائرات خاصه
دة بالظبط زى ما تعمل عزومه كشرى بالشوكه والسكينه
هو اللى انت تقول عليه دة اتوبيس واحد بس
وكنا قلبنا بيه نظام الحكم فى السودان وخليناة صعيديه دمقراطيه تعاونيه
نورتنى يا جارى العزيز

صفــــاء يقول...

norahaty
**********
والله يا دكتور كلام يجنن
ستات وبنات وممثلات ومغنيين
ولا كأنهم راييحين مهرجان السودان السنيمائى
طول عمرنا فى ماتشات الكورة بالذات عارفين مين اللى بيحضر ومين اللى بيشجع
ومين اللى بيسخن الفريق ويشجعه ويهتف وراة
كلامك فاكرنى بعبله كامل وهى لابسه القبعه الحمرا وبتقول تى ترتى تى مسر
شكرا على الزيارة الرقيقه

غير معرف يقول...

مهزلة مصرية جزائرية بقلم عبد البارى عطوان

تحتل اربع دول عربية المراتب الاولى على قائمة الدول الأكثر فسادا في العالم، اضافة الى افغانستان، حسب منظمة الشفافية الدولية، ولكن لم يخطر في بالنا مطلقا، ان تستخدم انظمتنا الرياضة من اجل تحويل الانظار عن فسادها ودكتاتوريتها القمعية، وبذر بذور الكراهية بين ابناء الأمة الواحدة، مثلما شاهدنا في الايام العشرة السوداء الاخيرة، التي بدأت وانتهت بمباراتي فريقي مصر والجزائر، في تصفيات نهائي كأس العالم الصيف المقبل في جنوب افريقيا.

نحن امام حرب حقيقية، وعمليات تجييش اعلامي ودبلوماسي لم يسبق لها مثيل، وكل هذا من اجل الفوز في مباراة كرة قدم بين فريقي دولتين وشعبين شقيقين، من المفترض ان الفائز من بينهما سيمثل العرب جميعا في هذه المسابقة الكروية الدولية.

عندما قرأت انباء عقد الرئيس حسني مبارك اجتماعا طارئا لاركان دولته، ابتداء من مجلس الوزراء ومرورا بقائد جهاز المخابرات، وانتهاء برئيس هيئة اركان الجيش المصري، تبادر الى ذهني ان مصر على ابواب مواجهة مصيرية مع اعداء الأمة والعقيدة......

باقى المقال فى صفحة الحوادث بالرابط التالى

www.ouregypt.us

حاول تفتكرنى يقول...

أظاهر اني انا اللى هقول اني كنت غلطان ، فالوضع كما هو بل انه آخذ فى النسيان

احييك

صفــــاء يقول...

غير معرف
**********
أشكرك على الزيارة ... والمقال
أن شاء الله ادخل أقرئه
وكنت اتمنى من حضرتك تكتب اسمك او تمضى بيه عشان مكلمش حضرتك بغير معرف

سعيدة بزيارة حضرتك واتمنى تكرارها

صفــــاء يقول...

حاول تفتكرنى
*************
أسمح لى أرد على حضرتك بطريقه مسهبه شويه وتدينى من وقتك

micheal يقول...

الخلاصة يا صفاء وخديهما كلمة من العميد

نظامين فاسدين أردا إلهاء شعبين بواسطة إعلام موجه يقوده حفنة من المرتزقة
تحياتي