الخميس، 8 أبريل 2010


الو ... النت فصل من عندى , وقبله كام يوم مش مظبوط والروتر بيفصل كتير . ممكن اعرف السبب ؟
أسفين يا مدام دة النت قطع من البلد كلها
ليه خير ... بقى يتباع فى المخابز دلوقت ؟
لا بس السويتش اتحرق
يعنى هيفصل قد أيه
مش أكتر ما نغير السويتش حوالى شهر شهر ونص
ليييه انتو هتغيرو محولات السد العالى ؟
أصل دة السويتش كله اتحرق بكل الخطوط اللى عليه
هو كل كام شهر تطلعو لى بحكايه شكل . مرة هنغير التعاقد ومرة ولعتو ؟
ماعلش يا مدام ظروف بقى وهو يعنى احنا اللى حرقناة
قفلت وانا بشيعه بمجموعه من الدعوات واللعنات ان انشالله يولع هو والشركه وشبكه الأتصال المصريه كلها
بعد كام يوم ... أيوة يا افندم الأنترنت اشتغل , أتضح ان السويتش مش كله اتحرق دى كانت شويه اعطال وشغلناة تانى وبنعتذر عن العطل

طيب شكرا جدا وانا كمان بعتذر , كنت قولت لحضرتك شالله تولع ... ياريت من فضلك ماتولعش ... ميرسيه
وعليه أديني رجعت على قلبكم حتى أشعار آخر

هناك 16 تعليقًا:

فتاه من الصعيد يقول...

عود احمد

والحمد لله ان السويتش ما ولعش .... مانقدرش نستغنى عنك شهر ونص ابداااااااااااااا

هو بيقولك يا مدام ليه :D

تحياتي

صفــــــاء يقول...

دة مرة قالى شهر ومرة قعد شهر ونص على ما بدلو الشركه وكان الله فى عونى طول مانا صعيديه

سؤال وجيه جدا
ربما لأنى مدام

بسنت يقول...

ههههه
طيب يا ستى عوده مبروكه ان شاء الله

وبالنسبه لبتوع الاتصالات
ممكن ادعى معاكى عليهم مافيش مشكله
لانهم المشكله نفسها

وانا شفت منهم 3 شهور كنت بدخل تليفون ارضى دفعت فيهم الحمد لله
اللى ربنا قدرهم عليه

د/ رامي شهاب الدين يقول...

حمد الله ع السلامة

موضوع الأعطال الوهمية والأعذار الخايبة مش موجود فى المنيا بس ، بل موجود فى مصر كلها


الله المستعان ، وحمد الله ع السلامة مرة تانية

دمتى بكل ود .. تحياتى

مصعب صلاح يقول...

السلام عليكم
الناس دي مابتخلصش حجج
انا النت قعد فاصل عندي شهرين بنفس السبب
ربنا يصلح الحال

Sherif يقول...

ههههههههههههه

كويس انه لحق مايولعش .. كات هاتبقى مشكلة

حلم بيعافر يقول...

على قلبنا زى العسسسسسل
انزلى بالتقيل بقى الانتخابات قربت

sal يقول...

أديني رجعت على قلبكم حتى أشعار آخر
************

ابدا والله عودة حميدة

تحياتى

أحــوال الهـوي يقول...

دي من اثار الست المفتريه
القوية
دعوة و ليه خلت الحريقه بردا و سلاما

و الاعتذارات الرقيقة بعد الحريقة تطفي نار الحران

نشكر العناية الالهيه لرجوعك في دعوتك قبل ما الشب يولع

تحياتي

صفــــــاء يقول...

بسنت
******
المصيبه يا دكتور انى مش وصله ... دة انا اشتراك خاص وبدفع قد كدة
لكن ولأن برضه احنا صعيد فــ مافيش ليكي اى تعامل مباشر مع الشركه وانما عن طريق مندوبين ممكن تطلع فى دماغ واحد فهم يروح مغير الشركه كلها ويستنى لما يعمل تعاقد مع شركه جديدة واحنا قاعدين جنبه مستنيين الفرج
إللهى وانت جاهى يولعو كلهم
قولى إن شالله

---------------------

د/ رامى
********
هو انا ملحقتش اغيب المرة دى والحمدلله .. ربك ستر
بس انت نورتنى بجد والله ... لك وحشه يا دكتور
وبعدين انا مادعتش على النت فى المنيا بس دة انا دعيت لكل شبكه الاتصالات فى مصر بجهنم وبئس المصير

نهارك أبيض

----------------------


مصعب صلاح
**********
وعليكم السلام .. كيفك مصعب
أدينا بنفش غلنا بالدعا عليهم فى أوقات الفراغ
منورنى يا صديقي

صفــــــاء يقول...

شريف
*****
ولا مشكله ولا حاجه المشكله الوحيدة كانت انى مش هبقى موجودة عشان اناوله الجاز

----------------------

حلم بيعافر
************
تعيش يا برنس دة من ذوقك والله
مش قصدك برضه أنتخابات رئاسه اتحاد الكورة ؟

صفــــــاء يقول...

sal
****
ربنا يخليك ... بس ماتنكرش انكو كنتو هترتاحو منى شويه
بس ربنا مأردش

------------------

أحوال الهوى
************
أووووسكت دة انت ماتعرفنيش
لما ربك يسلطنى على حد هى دعوتين اتنين وتلاقيه ولع أشتعال ذاتى
أو اتولاة انا برعايتى وانت عارف الباقى بقى

أحــوال الهـوي يقول...

ممكن اعتذر عن اللي قولته او اقوله
الواحد مش ناقص تتوليه بدعوتين و بعدها باي باي

ممكن اقدم فروض الطاعة و الولاء
ممكن كمان ادفع الجزيه
اقولك و لعي فيه و خلصيني م القلق

صباح الفل

استراحة محمد يقول...

مساء الفل
اول ما يقولك السويتش اتحرق
قوليله عبقالك
تحياتى دائما

كيــــــــــــارا يقول...

هههههههههههههههههه حمدالله علي السلامة ياكناريتي

مصطفى ريان يقول...

هههههههه
يارب يا قمرى تفضل على قلبنا على طول ولا نتحرم منك ولا من كلامك ومناقشتك . بس انت مش علي قلبنا انت جوة قلبنا
لك كل تحياتى وودي يا صديقتى الجميلة