الجمعة، 29 أكتوبر، 2010

من وحى العيد


العيـــد ... لا بصراحه كان عيد سعيد ورائع وممتع وجميل وكل حاجه حلوة


وربنا يديمها أعياد ويديمها فرحه وسعادة وراحه قلب

--------------------


انا عايزة اعرف الناس اللى بتقول العيد فرحه دى وخصوصااا العيد الكبير
هل الناس السعيدة اللى بتفرح بالعيد دى
جربت تنضف ورا الدبح ؟ طب جربت تنضف وتغسل الحاجات العجيبه الغريبه المريبه اللى ابويا بيصر كل سنه اننا ننضفها لأنه بيحب ياكلها
وبعدين نطبخ ورا جيش عرمرم من الضيوف اللى كله بياكل ... طب دة عيد وأضحيه لله وأكرام الضيف دبحه وكل حاجه

لكن البنيه الغلبانه اللى هى انا تيجب منين صحه للعذاب الأليم دة

----------------


أثناء سفرنا بالسيارة وأبى جالس بجوارى دار هذا الحوار الأبوي الرائع

أنت عميتي يا بت ؟ نظرك راح خلاص ؟ مابقتيش بتشوفى ؟

ياخسارة الشباب .. بقيتي شيش بيش ؟

مش شايفه الأشارات والمطبات وعلامات الأتجاهات ؟


طب والعربيات اللى جايه فـ وشك دى ؟ والنور اللى بيقلبوة .. ماتفتحى بقى وتاخدى بالك دة طريق مش لعبه

مع أنه والله العظيم هو اللى كان سايق

هناك 4 تعليقات:

sal يقول...

ههههههههه

كل عيد وانت بالف خير
واكيد ربنا حيجازيك خير
عشان تعبك
ربنا يبارك لك فى صحتك
ويخليلك بابا


تحياتى

صفــــاء يقول...

وانت بكل صحه وخير
هههههه ومش عايزة اتجازى خير عن الغلب دة
عايزة اقعد على الكنبه زى الطوبه ماعملش حاااااجه

ربنا يبارك لك ويكرمك

كل سنه وانت طيب

حلمى البعيد يقول...

كل سنه وانتى طيبه
ربنا يخليكوا لبعض

ميرا ( وومن ) يقول...

خلاص يا ستي عرفنا انك مركبة ومجنونة وطيبة وحنينة

وبحبك وكدهون

واحنا مالنا بعداد السن ده يا بت اللي عاوز يعدلنا يعدلنا انما احنا لاء

هانفضل صغننين علي طول