تزامناً مع مقررات وزارة الصحه
وقنوات التلفزيون بألغاء الفسيخ هذا العام
أقتداء بكل عام ..
والموشح بتاع الفسيخ بيجيب تسمم
وحقنه التسمم بتاع الفسيخ بعد ما كانو بيقولو الف جنيه
امبارح قالو 20 الف جنيه ...
مع أن ادويه الأيدز والألتهاب الكبدى الوبائى أرخص من كدة
وأستضافه السيد وكيل وزراة الصحه عشان كل سنه
يقول لنا أنهم أعلنو حاله الطوارئ
فى كل مستشفيات الدوله أستعداداً لحرب الفسيخ البيولوجيه النوويه العظمى
وبالعند فيه وفى التلفزيون وضرباً بالقرارات عرض الحائط
كلت فسيخ
مش رنجه لالالا فســــــــيخ
وبالتحديد ملوحه
حته بقى وصايه جيالى مخصوص وبالزيت والليمون وراس بصل
و4 أرغفه من أبو شلن
وراهم قزازة بيريل متلجه بقى لزوم الأكله الأنتحاريه دى
ورغم سوء المعامله اللى تعرضت ليها فى البيت
ورفض الكل أنى أقعد معاهم على التربيزة
أو حتى أشرب من كوبايه المايه بتاعتهم
ثم طردى فوق السطح عشان زفرت البيت كله بريحه الملوحه
أنتهاء ً بصابونه جديدة مخصووووص ليا
فالحمد لله برضه أكلتها ولسه على قيد الحياة
وفى أنتظار أى أعراض جانبيه من حساسيه وخلافه
نتيجه كميه الأملاح دى كلها
وكل سنه والكل طيبين بمناسبه عيد الفسيخ القومى
وقنوات التلفزيون بألغاء الفسيخ هذا العام
أقتداء بكل عام ..
والموشح بتاع الفسيخ بيجيب تسمم
وحقنه التسمم بتاع الفسيخ بعد ما كانو بيقولو الف جنيه
امبارح قالو 20 الف جنيه ...
مع أن ادويه الأيدز والألتهاب الكبدى الوبائى أرخص من كدة
وأستضافه السيد وكيل وزراة الصحه عشان كل سنه
يقول لنا أنهم أعلنو حاله الطوارئ
فى كل مستشفيات الدوله أستعداداً لحرب الفسيخ البيولوجيه النوويه العظمى
وبالعند فيه وفى التلفزيون وضرباً بالقرارات عرض الحائط
كلت فسيخ
مش رنجه لالالا فســــــــيخ
وبالتحديد ملوحه
حته بقى وصايه جيالى مخصوص وبالزيت والليمون وراس بصل
و4 أرغفه من أبو شلن
وراهم قزازة بيريل متلجه بقى لزوم الأكله الأنتحاريه دى
ورغم سوء المعامله اللى تعرضت ليها فى البيت
ورفض الكل أنى أقعد معاهم على التربيزة
أو حتى أشرب من كوبايه المايه بتاعتهم
ثم طردى فوق السطح عشان زفرت البيت كله بريحه الملوحه
أنتهاء ً بصابونه جديدة مخصووووص ليا
فالحمد لله برضه أكلتها ولسه على قيد الحياة
وفى أنتظار أى أعراض جانبيه من حساسيه وخلافه
نتيجه كميه الأملاح دى كلها
وكل سنه والكل طيبين بمناسبه عيد الفسيخ القومى
هناك 25 تعليقًا:
ألف ألف هنا وشفا.. ماطرح ما يسرى يمرى...
لكن ده برده ميبررش عملتك المجنونه يا مفتريه.. كل ده عشان تعاندى الحكومه!!
على فكره انا لو كنت مكان عيلتك كنت عملت كده برده بس ده ميمنعنش انك تستحقى التحيه على تلك الحركه المجنونه.. ما سيبتليش حته؟؟؟
بس أمانة عليكي
لو حصلك اي حاجة ورحتي المستششفي يعني
تبقي تصرفي الدوا من عندنا
ههههههههههههه
ضحكتيني والله يا صفاء
ومع اني مش بحب الفسيخ بس حوار اللمون والبصل اللي قلتيه ده خلا نفسي فيه :)
الف هنا وشفا يا جميلة ومتخافيش العمر واحد والرب واحد ;)
واحد من الناس
**************
يا سيدى تتهنى .. ربنا يكرمك
الحركه المجنونه تبع الملوحه دى عادة
يعنى ولو مرة فى السنه الواحد يستجرم ويرمرم ويزفر حاله
واسيبلك حته ليه ؟
ها هى طفاسه والسلام ؟
من غلو الفسيخ يعنى وبعدين انا فى الحاجات دى معرفش ابويا روح هات لنفسك
د/ياسر
******
فى العند فيك بقى انا كويسه اهو ومجراش ليا حاجه
يا ساتر يا رب دكاترة جزارين
دة بدل ما تبعتلى علبه فولتارين والا أسبوسيد هديه
ايناس حليم
**********
القمر المنور تبع البلوج اسبوت
أخبارك يا جميله
ربنا يخليكى وبعدين بفسيخ او من غيرة كلى كلى ولا يهمك
تعددت الأسباب والموت واحد
صفاء
حقيقة انا مش فاهم اي حاجة
و لكن اللي عاوز اقولوليكي انت و كل المدونين
الف مبروك اعياد شم النسيم و يا رب تكونوا طيبين
مودتي
كل سنة وانت طيبة وبالهنا والشفا والله
وزارة الصحة عاملة زى مصلحة الارصاد .. تسمعها وتعمل عكسها وانت مطمن
جعل الله ايامك كلها اعيادا
ههههههههه
ربنا مع حضرتك بقي
:d
انا بجد مش بحبو لكن بحب الرنجه سعات لما بتيجى بتنا اكيد بكلها لكن الفسيخ بخاف اكلها لحسن اموت ولا حاجه اما البصل بحاول ابعد عنو لئنو بيتعبنى نفسيا
ألف هنا وشفاء ومطرح ما يمشى يجلى
هههه
عموما بيقولوا الأعراض بعد الأكل من يوم لأربعه إحترسى و خدى بالك
ههههههههههههه
الفسيخ عمل حالة توهان للناس امبارح
صحيح أنا مكلتهوش لأني مش بحبه خاااااااااااالص
بس كا تعلافش كان فيه ايه ؟
كل اللي كل هيس خالص
يكون فيه حبوب هلوسه
تقبلي تحياتي
اسافو
*****
وكل سنه وانت طيب
بس شم النسيم دة زى ما قولتلك عيد قدييييم اوى عندنا فى مصر
اما الفسيخ دة بقى سمك بنجيبه ونحط عليه كميات هائله من الملح ونسيبه فى الشمس
المهم حاجه بتتخلل كدة وبعدين ناكلها وبعدين يجيلنا تسمم
شريف
*****
وانت طيب يا عمدة وربنا يخلى كل لحظه فى حياتك عيد
بس يابا العمدة قعدة الملوحه دى كانت نقصاك وشجرة توت على حافه ترعه كدة والبلهارسيا
كانت هتبقى فيلم فيلم يعنى
حسن حنفى
*********
ربنا مع الكل يا ابو على
ادم المصرى
**********
والله هو الأكل نفس
وناس كتير جدا مش بتستحمل الحاجات دى ولا بتاكلها وبيجيلها حساسيه من ريحتها حتى
لكن البصل ... كله الأ البصل ... هو فيه شم نسيم من غير بصل
اعشق فى الليل ضوء القمر
***********************
الله يهنيك يا قمر
بس ليه القلق دة طيب
وبعدين اعراض ايه وكلام ايه
ما خلااااااااص كلنا ووعشنا واللى كان كان
مصعب صلاح
*********
الفسيخ مرتبط أرتباط حميم بالتوهان . طبيعى مع كميه الملح والبصل والعيش دى كلها تكبس على المراوح وتتوه أجدع عقل دة كويس اوى ان بعد اللى بنعمله فى نفسنا دة لسه عايشين
اختى صفاء الف هنا وشفة بجد هيا اكلة ممتازة وبصراحة هما لما طردوك على السطح كدا مغلطوش لان الاكلة دى لو مش على السطح مش هيكون ليها اى طعم خالص لان السطح بيعمل ليها طعم تانى خالص
ثانيا بالنسبة للتسمم والكلام دا هما باين نسو ان احنا مصرين يعنى معدتنا تقرقش الظلط مش الفسيخ بس
والف هنا وشفا يارب العالمين
وتقبلى مرورى
عليك بالعافية
هو طبعا كل سنةوانت طيبة وكل حاجة
بس انالو مكان عيلتك كنت عملت نفس الشيء
لأن ريحة الملوحة دي صعبة قوي
تحياتي ليك دايما
صفاء اناصاحب التعليق اللي فات بس
نسيت اكتب اسمي
عاشق الاحزان
************
يعنى وهو يرضى ربنا انى انطرد فوق السطح زى القطط الضاله كدة ؟
أكل وأفضل محطوطه فى الشمس لحد ما كنت قربت أتخلل انا كمان وأقدد من الحر
حرام يعنى
وبعدين هو انا كنت عملت ايه
فارس عبد الفتاح
****************
وعليك باألف عافيه يا جارى
مصطفى ريان
***********
صديقى العزيز جدااااا
ربنا يرزقك ببنت تكون بتحب الفسيخ وتخلى ريحه بيتكم نفس الريحه اللى انا انطردت بسببها دى
وساعتها يا عينى مش هتقدر تطردها لأن الشقه من حق الزوجه
إرسال تعليق