توفيت الى رحمه الله تعالى كل التعليقات على كل تدويناتى على يد البلوج اسبوت
أو قوى شريرة .... الله أعلم
وبعد عامين من التدوين ومئات التعليقات
لم يبقى منها شئ على كلأ من المدونتين
كل تعليقات اصدقائى وأشقائى تم حذفها تماماً
وترك لى بدلاً منها أصفار
للفقيدة الرحمه .... ولى الصبر والسلوان
والعزاء على المدونات ولا عزاء للغير معرف
ويالهوتيييييييييييييييييييييي
أو قوى شريرة .... الله أعلم
وبعد عامين من التدوين ومئات التعليقات
لم يبقى منها شئ على كلأ من المدونتين
كل تعليقات اصدقائى وأشقائى تم حذفها تماماً
وترك لى بدلاً منها أصفار
للفقيدة الرحمه .... ولى الصبر والسلوان
والعزاء على المدونات ولا عزاء للغير معرف
ويالهوتيييييييييييييييييييييي
هناك 27 تعليقًا:
اللهم اغفر للتعليقات واصحابها
وبارك اللهم فى مجهوداتك التدوينية
...كل من عليها فان....
ولا تزعلى نفسك
انا من عشر سنين كنت مشرف فى احدى المنتديات السياسية وفجاأاتن\\\\\\\
اقفل المنتدى ابوابه وطارت كل مشاركاتى
ولم يكن لى منها كوبى
يالله ما احنا عايشين ونعمل غيرهم
ان شاء الله
مواساتى الحارة
آآآآة يانيي
آآة يا تعليقاتى
دى كانت حلوة ياخويا
وكان معظمها دمها خفيف
ذكرياتى مع أعز أصحابى
راحت كلها يالهويييي
ماسبش ليا حاجه غير شويه اصفااار يا مصيبتييي
تعيش وربنا مايحرمنيش منك
مانجيلكش فى بوست محذوف
أجارك الله في تعليقاتك المأسوف عليها وأخلفك خيرا منها ان شاء الله
بس فين القهوة السادة احنا حنعزي على الناشف كده هه
باعزيزتي لا تنزعجي انت موجودة وهذا هو المهم طل شئ يخلف
دمت بكل الود
والنبى يا أوختشى ماكنت تعرفى غلاوتها عندى
دى كانت زى عيل من العيال
بس راااااحت يا حبيبتشييي
قهوة ليه ؟
هو موت وخراب ديار يا خرابييييييي
لو باعرف اصوت كنت صوت حتي ما باعرفش اصوت في الانتخابات
ياخسارتك يا تعليقاتي
ياحسارتك يا افكاري
بس ما تزعليش
انا عندي نسخه من بعض الردود
لحظه اروح اعمل دليت لهم عشان ما يبقاش للتعليقات اي عقب
تعازي
يا خراشي يا صفاء
مفيش تعليق حتى صغير سابوهولك يصبرك يا بونيه على بلوتك :((
عموما ربنا يصبرك .... وتعيشي ويتحذفلك تعليقات
تحياتي
أحوال الهوى
*************
يبقى غطيني وصوت عليااااا
بلاش تصوت
تعرف تندب او تعدد ؟
ايوة يا دكتور احذفهم خااالص عشان يحصلو اخواتهم ويحرقو قلبي عليهمممم
ماكنش يومك يا تعليقاااتى
فتاة من الصعيد
****************
والنبى كانو كويسين
والنبى ولا عيو ولا عطسو ولا كحو
دول كانو زى الفل ولقيتهم طابو ساكتين يا خراشييييي
مانعلقلكيش فى مدونه وحشه
اقدم لكى تعازى ياصفاء بس المهم لاتيأسى واستمرى فى الكتابة
hesham
********
سعيكم مشكور يا ريس
نفكر بعد الأربعين
اااااااااااه يا كومنتاتها
اااااااااه يا بوستاتها
يجعلها اخر المحذوفين يا صفصف والنبي يا اختي ما جالي الخبر غير دلوقتي
تعيشي وتعلقي يا حبيبتي ربنا يعوض عليكي خير
ويجازي اللي كان السبب
آآآة يا حبيتي
آآآة يا تعليقاتى يا غااااليه
طول عمرك صاحبه واجب يا عنيا
تعيشى وتجاملى يا اختيييييي
وربنا يجعلها آخر المحذوفات يا قلبى
ومانجلكيش على لينك مش شغال
عزا يا بنت الصعيد
ينفع كده ؟؟؟
والناس تقول ايه علينا ؟؟
الناس هتاكل وشنا
جومى يا بنيتى لمى صوان العزا ده
مافى عزا الا بعد التار
:) اوعى ترمينى بحاجه يا صفاء :)
احنا صعايدة مودرن
مش بناخد بالتار
بنسيب المجرم لحد ما ياخد قصاصه العادل
واهمدى انت ولمى دورك بلاش شغل الشعلله دة
وذنبكم مغفور يا اوختشى
ابدا
لا يونكن يعنى
ثم خلاص الخط دخل في الموضوع وماشي في اروقه بلوجر يشمشم ع الجانى
وكلها كام ساعه ويتعرف
وهيولع في مدونته ويجري يستخبى في الوورد بريس
الموضوع خرج من ايدى خلاص
ياختى ياختى ياختى
ايه الشطارة دى ؟
مجرمه صغيرة يا ناس
والله كبرتى يا سلوى وبقيتي سفاحه
بس يعنى مدام الخُط فالح قوى كدة هيجري يستخبى فى الوورد بريس ليه
خليه يستخبى على مكتوب احسن له
يا حسرة قلبيييييييي
لا الخط له قرايب في ووردبريس
لكن مكتوب متلغمه مرشدين يا اختى
ثم انا مش سفاحه خالص
ده الخط هو اللي عرف وقال ازاى تعليقات صفاء تتحذف؟؟
انت جايه تعزيني والا جايه تخربيها ؟
ماقولنا شكر الله سعيك
للفقيد الرحمه ولصفاء خالص العزاء
بس يا صفاء هو العزاء امتى علشان اجيب الرئيس السابق معايا ونيجي نعمل واجب
معلش بقي دنيا فانيه وربنا يجعلها اخر الاحزان
شكر الله سعيك يا درش
مانحرمش منك ياخويا
العزا خلاص عملناة وانفض
بلاش تتعب فخامه الرئيس وكفايه برقيات التعزيه اللى بعتتها لنا الرئاسه
ويجعلها آخر الأحذاف
ههههههههههههههههههههه
عسل يا صافي
انا بضحك على يالهويييي مش على الكارثة دي اكيد
بصراحة الله يكون في عونك انا لو مكانك هعيط بجد
معلش يا حبيبي عموما تعليقاتنا وحبنا ليكي ولمدونتك في قلوبنا مش محتاجة مدونة عشان تفضل عايشة
عشان كدة متقوليش الله يرحمها، قولي بس الله يحرق اللي كان السبب :)
ومتزعليش يا كوكو :*
حبيبه قلبى واحلى مهندسه اسكندرانيه واديبه مصريه جميله
حبيبي انا بتريق ... أصلى لو هعيط على كل حاجه وحشه حصلت لى اكتر من 10 ثوانى مش هبطل عياااط ههههههه
ربنا يخليكم كلكم والله ويخلى محبتكم ورقه قلوبك وذوقكم و و و
شكرا لك بجد
انتى مش مسيفاها؟؟؟؟؟؟؟؟؟
ماخدتيش درس منى لييييييييية
ماعلش يا كوكى ... ماهو اصلا مش عارفه هو حصل ايه ... بس حصل خير يا قمر ... هو انت حصل معاكى ايه ؟
لما ضي القمر اتهكرت وعملت عالم مولان
مش كل بوستات ضي القمر بالتعليقات راحت
ماعلش يا قمرة ... المهم الأصحاب والأصدقاء والناس اللى زى العسل اللى زيكم موجودين .. الكلام احنا اللى كاتبينه وإن شاء الله نقول غيرة
بوسه كبيرررة لأحلى واحدة فى حلوان
ياكزوفى بوثة مرة واحدة
وانتى كمان بوثاااااايه عثل للعثل
إرسال تعليق